Бременоста се опишува како убаво патување, со прекрасно мало бебе на крајот на патот. Но, важно е да се признае дека бременоста не е лесна за сите и голем е бројот на жени кои се борат со компликации и потешкотии за време на бременоста и им олеснува кога ќе го родат бебето. Меѓутоа, исто така важно е да се истакнат и потешкотиите кои се случуваат по бременоста. Откако ќе родите, вашето тело е поинакво отколку што било претходно, но и ширењето на ткивата и добивањето на телесна тежина, па често неизбежна промена е и појавата на стрии. Некои мајки гордо ги носат и ги нарекуваат свои “тигрести линии“, а други пак силно сакаат тие комплетно да ги снема.
Постојат бројни креми и производи за кои се тврди дека помагаат во ослободување од стриите, но пред да одите и потрошите пари на тие производи, важно е да знаете дали делуваат или не.
ЗОШТО СЕ ПОЈАВУВААТ СТРИИ?
За да сфатите зошто производите можат, но и не мора да делуваат против стриите, важно е да разберете зошто тие се појавуваат.
Стриите се појавуваат кога телото се шири побрзо од што кожата може да го следи. Еластичните влакна под површината на кожата пукаат, а на телото останува стрија. На почетокот тие се темноцрвени или виолетови, но постепено бледеат и стануваат бели или сиви. Ваквите стрии всушност се “лузни“ на телото.
ДАЛИ КРЕМИТЕ ЌЕ ДЕЛУВААТ?
Според списанието Women’s Health, ниту една студија не докажала дека постои крема која може да спречи стрии, или пак да направи тие да исчезнат. Навлажнувањето на кожата е секогаш добро, но не постои магичен производ кој ќе направи тие да исчезнат од вашето тело. Стручњаците исто така сметаат дека причината зошто некои луѓе мислат дека овие производи делуваат е таа што стриите со тек на времето природно бледеат, но за тоа не е заслужна кремата.
МОЖЕ ЛИ НЕШТО ДА НАПРАВИТЕ?
Иако ова може да звучи разочарувачки за жена која по секоја цена сака да се ослободи од стриите по секоја цена, постојат производи кои можат да помогнат тие да избледат. Важно е да се запомни дека стриите се лузни, а лузните не исчезнуваат, тие се трајни. Ќе избледат со текот на времето, но постои еден вид крема која може да помогне да избледат лузните. Било каква крема што содржи хијалуронска киселина е добра опција за спречување на појава на стрии, но имајте на ум дека колку подолго се присутни стриите, толку е помала веројатноста дека некој крем ќе биде корисен.
