Таман кога се навикнале да се смират без омилената цуцла, и родителите ќе помислат дека се ослободиле од една грижа, децата ја бараат назад.
Неретко се случува да децата на возраст од пет-шест години бараат од родителите да им го вратат омиленото средство за смирување. И борбата повторно почнува.
Токму поради тоа, родителите ширум светот прибегнуваат кон различни техники на одвикнување, а онаа која се применува во Данска, се покажала како исклучително успешна.
Имено, во еден детски парк во Копенхаген постојат дрва на кои децата може да ги закачат своите омилени и искористени цуцли, и така симболично да се простат од нив. Оставаат и пораки во кои опишуваат како и каде се одвикнале од цуцлата.
Овој симпатичен обичај посебно го сакаат и родителите, кои на своите деца им прават вистински мал свечен ритуал на “китење“.
Од време на време, семејно доаѓаат во парк да го посетат своето живописно дрво и да уживаат во шарените украси.
