Фармацевтска компанија вчера објави податок дека помеѓу бројни опции, на кои се работи уште од почетокот на јануари годинава, избрала најдобра вакцина – кандидат против КОВИД-19.
Со истражувањето на потенцијалните вакцини се почнало во јануари 2020 година, непосредно откако бил познат геномот на новиот коронавирус. Благодарени на соработката на бројни научници, тестирани се потенцијални вакцини како би се одредило кои најмногу “ветуваат“ во предизвикување на одговор на имуниот систем во претклинички истражувања, а со самото тоа и во ефикасноста.
Според моменталните предвидувања, првата фаза на тестирање на вакцина – кандидат на луѓе, треба да почне до септември годинава, по што први серии за итна употреба треба да се очекуваат на почетокот на 2021. година.
При ставање на било кој лек на пазарот (така и вакцините), во почетната фаза постојат бројни кандидати меѓу кои се избира најдобриот лек – кандидат, кој понатаму се става на понатамошни истражувања на безбедноста и ефикасноста. Типичниот развој на вакцини вклучува цела низа чекори во истражувањето, а обично таре од пет до седум години. Дури тогаш се почнува со испитување на одбраната вакцина – кандидат.
