Дали сте знаеле дека бебињата плачат во просек по три часа дневно, едно од 10 бебиња плаче многу подолго. Помеѓу 6. и 8. недела, децата најсклони кон плачење, а од таа возрасна точка па натаму, тие почнуваат да го намалуваат времето поминато во оваа, на родителите, “драга“ активност.
Бебето кое сте го донеле од родилиштето таман се прилагодува на светот околу себе, што е сосема нормално првото скалило од неговиот развој да биде воспоставување комуникација со вас, неговите родители. Кога плаче, ви испраќа порака за неговите моментални потреби и очекува да бидат исполнети. Потсетете се дека вашето бебе девет месеци се безгрижно се нишало во матката, а сите негови потреби веднаш биле задоволени. Сега, одеднаш, постои околен свет преку кој треба да испрати порака за да добие храна, гушкање, смирување. Но, според начинот на кој плаче, со текот на времето ќе можете да ја препознаете причината за плачењето и да го решите проблемот.
Гладно е и жедно е!
Освен што плаче гласно и ви се чини дека плачењето се засилува, детето покажува дека е гладно стака што ги става рачињата во уста или ги бара вашите гради кога ќе го земете во раце. Останатите знаци вклучуваат нагли движења на очите, отворање на устата и вадење на јазикот. Овој вид на плачење веројатно најлесно ќе научите да го препознавате бидејќи најчесто ќе му нудите доење и ќе успеете да го утешите бебето со тоа. Не следете го распоредот за хранење што можеби сте го замислиле. Наместо тоа, слушајте ги потребите на вашето бебе и понудете му дојка иако можеби поминало само еден час од последното доење.
Тивко плачење поради нелагодност
Обично детето е помалку плачливо и ви се чини како да се жали кога нешто не му одговара, на пример, би сакало да подригне, има гасови, топло му е или чувствува влажни пелени. Ако не покажува знаци дека е гладно, проверете ја пелената и смирете го во раце така што нежно ќе го галите по грбот, нежно разговарајте со него и тешете го. Проверете да не сте го облекле претопло или прелесно.
Плачење поради лутина или ненадеен страв
Ова плачење е исклучително продорно и почнува одеднаш. Родителите се навистина на вистински тест на трпение во овие ситуации бидејќи не е лесно да се слуша плачот што ви ги пробива увото и да имате трпение за утеха. Обидете се да се соберете и да делувате смирувачки на детето кое сте го земале во раце. Иако е можеби немирно во раце, зборувајте му нежно, пејте му и милувајте го. Ако ништо не помага, обидете се да му го одвлечете вниманието, на пример да пуштите бел звук или да направите смешен израз на лицето. Важно е да се сврти вниманието на детето од лутина или страв кон забава и смеа.
Здодевност!
Децата плачат дури и кога не знаат сами да се забавуваат. Тоа допрва треба да го научат. Плачењето од досада може да биде многу гласно и продорно, а детето брзо се смирува штом ќе му се посветите. Внимавајте! Ако се грижите за вашето дете и му давате љубов и внимание, тоа помалку ќе плаче. Ако му пријдете само кога плаче и тогаш го тешите, тогаш ќе сфати дека мора да плаче за да ве повика. Честопати тежнееме да го наречеме ваквото однесување разгалување, но сфаќате дека всушност се работи за потреба на детето да ја почувствува вашата љубов и блискост што не му ја давате во доволни количини, а тоа во никој случај не е манипулација со вас.
Време е за спиење
Дете кое е уморно или малку уморно – плаче. Иако плачењето е гласно и детето може нервозно да го движи телото, сепак заморот на детето се открива со триење на очите со рачето, што е типично движење кога сме поспани. Прво обидете се да го смирите во раце, па дури потоа доете го и успијте го.
