Една од најтешките компликации на дијареата кај децата е дехидрација, па затоа е важно цревата да се опорават што е можно поскоро. За да се направи тоа успешно за време на епизоди на пролив кај децата, неопходно е да се избегнува храна која ги влошува симптомите и го продолжува закрепнувањето. Која е таа, ви откриваме во продолжение…
Неферментирани млечни производи
Во случај на интензивна дијареа, препорачливо е да се избегнува полномасно млеко. Причината за тоа, според истражување спроведено на Универзитетот во Калифорнија, е тоа што содржи лактоза и го отежнува варењето. Исто така, може да ги зголеми гасовите, дијареата и надуеноста. Наместо тоа, ферментираните млечни производи како што е пробиотскиот јогурт не содржат лактоза и можат да помогнат во обновувањето на цревната флора.
Сливи
Некое овошје, како сливите, наместо да ја ублажат дијареата, може да ја влошат. Таков е случајот со сливите, особено со сувите. Имено, концентрацијата на влакна, сорбитол и полифеноли во ова овошје има лаксативно дејство.
Цитрусно овошје
Пожелно е да се избегнуваат агруми бидејќи можат да ја иритираат цревната слузница. Треба да се избегнуваат сокови од портокал, лимон, грејпфрут, мандарина и други цитруси.
Суров и влакнест зеленчук и житарки
Фиброзната (со растителни влакна) храна ја прави столицата помека и ја подобрува функцијата на цревата. Идеална е во ситуација кога детето нема пролив. Меѓутоа, во случај на мека столица, препорачливо е да се избегнува брашно од цели зрна, интерални житарки, овесни снегулки, мешунки…
Храна богата со FODMAP
Храната со висока содржина на FODMAP се однесува на зеленчук, млечни производи и овошје со малку јаглехидрати. Имено, кратенката FODMAP вклучува ферментирачки олигосахариди, дисахариди (лактоза), моносахариди (фруктоза) и полиоли (сорбитол и манитол).
Американското здружение на педијатри посочува дека треба да се избегнува бидејќи не се вари добро, а кога ќе стигне до дебелото црево предизвикуваат гасови, надуеност и дијареа. Некои од овие намирници се јаболка, праски, нектарини, лубеница, авокадо, круши, карфиол, лук, кромид, мешунки, ф’стаци…
Зачинета храна
Може да ги иритира цревата, да го зголеми производството на желудочна киселина и да ја влоши дијареата. Чили, силни зачини, лути сосови и зачинети преливи се забранети.
Намирници богати со шеќери
Шеќерот (сахарозата) може да ги зголеми симптомите на дијареа. Затоа, не му давајте на вашето дете чоколади, бонбони, гуми за џвакање, колачи, кондиторски производи, слатки пијалоци, сирупи, џемови… Важно е да ги читате етикетите на производите, бидејќи многу од нив имаат додадени шеќери.
Пијалаци со кофеин
Експертите од Медицинскиот универзитет Мичиген истакнуваат дека кофеинот е стимуланс кој ја зголемува интестиналната подвижност и може да доведе до дијареа. Во оваа смисла, пијалоците како кафе, чај и енергетски пијалоци можат да имаат лаксативно дејство.
Храна која подувува
Оваа група вклучува ферментирачки намирници кои произведуваат гасови, како што се мешунките, наутот, леќата и грашокот. Карфиолот, брокулата, кромидот, оревите, зелената салата и зелката исто така може да ја влошат дијареата.
Преработена и брза храна
Намирниците што ја сочинува оваа група се богати со заситени масти, натриум и адитиви и може да ја влоши дијареата. Тука спаѓаат грицки, помфрит, хамбургери, пржена храна, крофни, пици…
