Современите родители посветуваат се повеќе внимание на исхраната на своето дете и се трудат да се погрижат таа да биде избалансирана и да ги задоволува сите нутритивни потреби на детето. Меѓутоа, понекогаш премалку внимаваат што и колку пие детето.
- Водата е главен пијалак
Водата на детето му се внесува околу шестиот месец од животот и таа е најдобриот избор за хидратација на која било возраст. На децата од почеток треба да им се нуди вода во чаша и без разлика на нередот, бидете истрајни во учењето. Долготрајното пиење од шише или чаша клун може да влијае на развој на неправилен загриз, но и на појава на кариес.
Децата од две и три години треба да пијат две до четири чаши вода дневно. За деца од четири до осум години се препорачуваат пет чаши дневно, а за постарите до осум. Секако, овие бројки се само препорака и внесот на вода зависи и од тоа што ќе јаде детето во текот на денот, колку воделесто овошје, супа или други течности внесува.
Незасладените билни чаеви се добра повремена алтернатива на водата, особено во постудените месеци или за време на настинки и болести. Доколку детето толерира животинско млеко, може да пие кравјо или козјо млеко со појадок или вечера, а ако сака какао, млекото сварете го со незасладено какао, со додавање на цимет како алтернатива. Секогаш пред млекото на вашето дете нудете му ферментирани млечни напивки како јогурт, кефир и кисело млеко, бидејќи ферментираните пијалаци содржат важни и вредни пробиотици кои позитивно влијаат на имунитетот и дигестијата.
- Избегнувајте сокови и газирани пијалаци
Повременото консумирање на смуди е добро, но погрижете се да имате добра комбинација на состојки. Основата на смудито може да биде вода, цеден сок од портокал, растително или животинско млеко, па дури и јогурт.
Заедно со овошјето, задолжително внесете путер од јаткасти плодови или семки за да спречите нагло зголемување или намалување на шеќерот во крвта. Препорачливо е да вклучите зелен лиснат зеленчук како спанаќ или кељ, а прстофат цимет или ѓумбир ќе го интензивира вкусот.
Повремено понудете му цедени сокови на вашето дете и избегнувајте колку што е можно повеќе сокови и сирупи за засладување купени во продавница. Истото важи и за газираните сокови кои се преполни со шеќер и адитиви и ги ограничете ги исклучиво на прослави.
