Здрава ужина пред спиење може да ги потполни дневните потреби за хранливи материи. Ако детето во токот на денот не изело доволно од некоја намирница, може да му ја понудите за вечерна ужина.
Како да ја испланирате вечерната ужина?
- Планирајте го оброкот најдоцна 45 минути пред легнувањето во кревет. На овој начин ќе бидете сигурни дека храната ќе спадне во детското стомаче, а ќе има и доволно време да ги измие забите пред спиење
- Добра вечерна ужина ќе содржи јаглехидрати и протеини. Јаглехидратите ќе потпомогнат во производството на сератонин, а протеините ќе го заситат детето.
- Ужината треа да биде мала. Таа не е уште еден оброк, туку дополнување кое ќе помогне детето полесно да заспие.
- Ужината давајте ја само тогаш кога детето е навстина гладно, а не како навика.
Здравата ужина пред спиење може да ги комплетира дневните потреби за хранливи материи. Ако детето во текот на денот не изело доволно од некои намирници, може да му се дадат како вечерна ужина. На пример, ако детето не го изело своето кисело млеко, дајте му го да го изеде за ужина, и така ќе бидете сигурни дека внело доволно намирници со калциум.
ПРЕДЛОЗИ ЗА ВЕЧЕРНА УЖИНА
- Сендвич со мисиркино – парче леб намачкано со малку путер и едно парче мисиркина шунка.
- Јајце и тост
- Парче леб со младо сирење
- Пита со вишни и шолја млеко
- Банана
- Овесна каша
- Јаткасти плодови и семки
- Шолја топло млеко со какао
