Моменталните насоки на Американската педијатриска академија ги советуваат родителите да почекаат со дупнување на ушите на детето додека детето не е доволно старо да може само да ја донесе одлуката. Тие насоки имаат повеќе врска со храбрење на детето, отколку што имаат со безбедноста. Но, многу култури преферираат дупнување на ушите кај децата штом се родат, што е безбедна пракса ако се следат некои основни насоки.
Според педијатарката Норини Окампо, моменталните насоки за дупнување на ушите се понапредни. Според неа, дупнувањето уши е доволно безбедно да може да се направи дури два месеци по раѓање на бебето. Според некои стручњаци тоа е и идеално време за тоа, оти времето се поклопува со првиот круг на вакцинирање, во кој е предвидена и вакцина против тетанус.
“Бебињата не можат да ја локализираат болката, дури и ако процесот е малку поболен, тие не можат да посегнат со рака и ги допираат своите уши и да ја повлечат обетката надвор, а болката обично престанува во следните неколку дена“, вели д-р Окампо.
Но, постарите бебиња кои имаат над шест месеци, може да ја локализираат болката и тие веќе се способни да ја извлечат обетката. Тоа е посебно проблематично, ако нивните рачиња или прсти се валкани. Како детето станува поголемо. Поверојатно е да биде под стрес или преплашено околу дупнувањето на ушите, дури и ако само ја донело таа одлука и самото сакала да си стави обетки.
Кога детето ќе ги дупне ушите, медицинските обетки треба да стојат најмалку една недела. Во тој период, родителите може да спречат ретки случаи на инфекција така што правилно ќе го чистат местото околу обетката со алкохол, и ќе ги вртат обетките во нивните дупки два пати дневно. Според д-р Окампо, инфекцијата вклучува црвенило и поголема чувствителност.
