Колку книги читате месечно или пак годишно? Дали мислите дека ако сте љубител на читањето книги, тоа ќе има позитивно влијание врз вашето дете и неговите навики за читање? Можеби сте во другата крајност и често не земате книга в рака, па се плашите дека е нешто „заразно“ за потомството? Или верувате дека едното нема врска со другото и дали имте докази за тоа?
Колку всушност родителските навики за читање можат да влијаат на децата?
Според податоците, дури 76 отсто од децата до 7 години чии родители читаат и самите уживаат во читањето, додека само 54 отсто од децата чии родители не уживаат во читањето сакаат да читаат. Исто така, децата на кои им се чита имаат поголема веројатност да израснат во возрасни лица кои читаат, продолжувајќи го овој позитивен циклус низ генерациите.
Родителите со повисок степен на образование имаат поразвиени навики за читање, што според тоа влијае на читачките навики на нивните деца. Истражувањето покажало и дека децата бараат помош при читањето, што ја потврдува важноста на читањето, а родителите во истражувањето изјавиле дека ги поттикнуваат своите деца да читаат со сопствен пример.
Децата со родители со ниски примања имаат уште поголема корист од раното читање бидејќи тоа им овозможува подобри перформанси во текот на школувањето, а со тоа и подобри конечни исходи во животот. Со други зборови, оние деца кои немаат толку лесен почеток, преку своето читање полесно ќе го совладаат училишниот материјал и на тој начин ќе постигнат повисок степен на образование. Токму поради оваа причина, доколку родителите ги охрабрат со сопствен пример, полесно ќе ја прифатат важноста на читањето.
Оттука, родителското читање има широко докажано влијание врз краткорочните и долгорочните резултати, придонесувајќи значително за подобро ментално здравје, образовни резултати, емпатија и креативност и ублажување на социо-економските нееднаквости.
Читачките навики на родителите директно влијаат на навиките на децата, но тоа не значи дека децата нема да сакаат да читаат ако вие самите не се читате.
