Вашето прекрасно петмесечно бебе, кое било мало ангелче од раѓање, одеднаш станува мрзоволно, чудно и нервозно бебе кое “става се околу себе во уста и се лигави“. Многу е веројатно на бебето да почнале да му никнуваат заби. Родителите досега растењето на забите го поврзуваа со покачена телесна температура.
Истражување објавено во списанието Pediatrics открило дека бебињата, поради никнувањето на забите, најчесто се само раздразливи, повеќе се лигават и лачат плунка и ги тријат иритираните непца. И додека кај некои деца била забележан благ пораст на телесната температура, забите обично не предизвикуваат висока температура над 38 степени Целзиусови или било какви други знаци на болест, заклучок е на истражувачите.
Температурата често погрешно се препишува на забите
Родителите често се збунети дали температурата е поврзана со забите. Температурата не е лош знак, тоа е одговор на организмот на инфекции до кои често доаѓа во периодот кога кога никнуваат забите.
Може да се поврзе и со нив бидејќи бебињата ставаат валкани предмети и рачиња во устата и можно е така да дојде до воспаление. Со тоа ја зголемуваат и можноста за внесување бактерии, па затоа внимавајте погрешно да не ја припишете температурата на растењето заби и да превидите некоја сериозна состојба. Други симптоми кои често погрешно се препишуваат на забите се рани или меурчиња околу устата, губење на апетит и дијареа која не поминува. Овие се знаците поради кои е добро да се посети педијатар.
