Без разлика дали користите јавен базен или базен во вашиот двор, бидете сигурни дека пливањето е безбедно и забавно, посебно за најмалите. И покрај забавата, постојат потенцијално опасни ситуации кои треба секој родител да ги знае.
Научете го детето да плива
Децата треба од најмали нозе да научат како да се одржуваат на вода. Американската асоцијација на педијатри препорачува децата да почнат со пливање од 4. година. Доколку веќе сте одлучиле да го носите на базен, бидете сигурни дека детето ги има основните познавања за одржување во вода.
Заградете го базенот
Доколку имате базен во дворот, заградете го за да се осигурете дека детето нема да може да пристапи до него. Важно е оградата да биде доволно висока за да не може детето да влезе само, во случај да не сте вие во негова близина.
Не заборавајте заштита од сонце
Факторот за сончање е првото нешто на кое треба да помислите доколку го изложувате детето на сончевите зраци во лето. По излегувањето од вода, повторете го нанесувањето фактор за сончање.
Внимавајте на сончаница
Долгото изложување на сонце е штетно за секој организам, а посебно на детскиот. И покрај тоа што водата ги разладува, сепак, влијанието на сончевите зраци во денови со висок УВ индекс е потенцијална опасност за појава на сончаница и топлотен удар. Избегнувајте изложување на децата во летните денови во периодот од 11 до 16 часот.
Од големо значење е да знаете да дадете вештачко дишење и ургентна прва помош во случај на несреќа.
