Иако хемикалиите во водата во базенот (како хлорот и бромот) убиваат многу вируси и бактерии, се уште постојат одредени бактерии кои ве демнат во водата и затоа е важно да знаете што можете да направите за да ги избегнете.
Водата во базените може да биде контаминирана
„Болестите кои се јавуваат во базените секогаш се поврзани со контаминирана вода“, објаснува Јасен Кунц, експерт за превенција од болести кои се пренесуваат преку вода.
Задолжително туширајте се пред да влезете во вода, а избегнувајте го базенот доколку имате проблеми со дијареја. Понатаму, не влегувајте во базен ако имате отворена рана. Ако имате рана, а сепак сакате да одите на базен, понесете водоотпорни фластери. Избегнувајте голтање вода од базенот и секако, истуширајте се по капењето во базен
„Болестите исто така можат да произлезат и од контакт со хемикалии кои се наоѓаат во водата или со вдишување хемикалии што испаруваат“, истакна Кунц.
„Ова е една од причините зошто, ако се случи фекална незгода во базенот, постои протокол што спасувачите и менаџерите на базенот мора да го следат пред да дозволат луѓето да се вратат во водата“, објасни д-р Клер Рок.
Милиони микроби може да завршат во водата во случај на дијареја, а луѓето може да се разболат дури и ако проголтаат мала количина од водата во базенот, изјави Кунц за „Хафингтон Пост“.
Згора на тоа, и не мора некој нужно да доживее незгода во вода за другите да се разболат. Мали честички измет може да испаднат од телото додека пливате, па затоа можеби и нема ни да ги видите во водата.
Пливачко уво е инфекција предизвикана од бактерии кога водата од базенот ќе остане во надворешниот ушен канал. Кога водата стои таму долго време, таа го уништува заштитниот восок и обезбедува влажна средина за размножување на бактериите. Пливачкото уво најчесто се јавува кај деца и не се пренесува од човек на човек. Симптомите вклучуваат болка, чешање, црвенило и отекување на увото
Некои од најчестите бактерии кои можете да ги закачите на базен се бактериите cryptosporidium, giardia, shigella, E. coli и норовирус, вели Кунц. Во зависност од предизвикувачкиот агенс, последиците може да бидат дијареја, гадење, повраќање, треска или болки во стомакот.
- Cryptosporidium: Оваа паразитска инфекција предизвикува водена дијареја и може да трае до две недели. Cryptosporidium е отпорен на многу вообичаени методи за дезинфекција на вода, вклучувајќи хлорирање.
- Giardia: Ова е уште еден паразит кој може да предизвика дијареја, гадење и болки во стомакот. Како и cryptosporidium, giardia е отпорен на хлор и може да преживее во базенската вода.
- Shigella: Оваа бактерија предизвикува шигелоза, која се манифестира со дијареја (понекогаш со крв), треска и болки во стомакот. Се шири преку консумација на контаминирана вода.
- Escherichia coli (E. coli): Некои видови на E. coli, особено E. coli O157, можат да предизвикаат сериозни стомачни болки, дијареја и повраќање. Оваа бактерија се шири преку контакт со контаминирана вода.
- Норовирус: Овој вирус е многу заразен и може да предизвика гастроентеритис, кој се манифестира со нагло почнување на повраќање, дијареја, гадење и болки во стомакот.
Зошто хлорот во водата не може да ги убие тие бактерии?
Базените и аква паркови содржат прецизно пропишани количини на хлор или бром со цел ефикасно да се спречи ширењето на бактериите. „Но, луѓето сè уште можат да бидат изложени на бактериите во времето што е потребно за хлорот да ги убие“, објаснува д-р Џесика Лум.
Иритација може да се појави кога хлорот од базенот ќе се претвори во хемиски надразнувач во комбинација со пот, урина и нечистотија. Овие надразнувачи се нарекуваат хлорамини и можат да предизвикаат црвенило на очите, чешање, осип, иритација на носот, кашлање и иритација на белите дробови
Криптоспоридиумот, познат и како крипто, е особено отпорен на хлор. Според едно истражување, оваа бактерија била причина за 49 % од случаите на заразни болести во водните области како што се базени, сауни и аква паркови од 2015 до 2019 година. Најчеста инфекција предизвикана од оваа бактерија е криптоспоридиозата, која е цревна инфекција која предизвикува стомачни грчеви и дијареја.
„Хлорот или бромот ги деактивираат или убиваат бактериите во правилно третирана вода за неколку минути“, рече Кунц. „Сепак, крипто бактериите можат да преживеат повеќе од седум дена.“
Пливачко уво
Пливачко уво е инфекција предизвикана од бактерии кога водата од базенот ќе остане во надворешниот ушен канал.
ХЛОРОТ НЕ МОЖЕ ДА ГИ УБИЕ СИТЕ БАКТЕРИИ – Иако најголемиот дел од нив ги елиминира за неколку минути, некои можат да преживеат во соодветно хлорираниот базен со денови. Giardia и хепатитис А се умерено толерантни на хлор, додека cryptosporidium е високотолерантен. Кога пливате во базен, ја делите водата со сите останати во него
Кога водата стои таму долго време, таа го уништува заштитниот восок и обезбедува влажна средина за размножување на бактериите. Пливачкото уво најчесто се јавува кај деца и не се пренесува од човек на човек. Симптомите вклучуваат болка, чешање, црвенило и отекување на увото.
Хемикалии во водата може да ги иритираат очите и да предизвикаат осип на кожата и кашлање
Иритација може да се појави кога хлорот од базенот ќе се претвори во хемиски надразнувач во комбинација со пот, урина и нечистотија. Овие надразнувачи се нарекуваат хлорамини и можат да предизвикаат црвенило на очите, чешање, осип, иритација на носот, кашлање и иритација на белите дробови.
Кога ќе почувствувате мирис на хлор во базенот, тоа значи дека хлорамините се претвораат во гас во околниот воздух. Затоа е најдобро да се истуширате пред да влезете во вода и никогаш да не уринирате во базен. Уринирањето го намалува и количеството на хлор во базенот, што е неопходно за хлорот да ги убие несаканите бактерии.
Покрај хлорамините, несоодветните нивоа на pH вредност во базенот може да доведат до иритација на кожата и очите, додава Кунц.
Како да се заштитите од потенцијални инфекции?
За почеток, важно е да се информирате за базенот или аква паркот пред да го посетите. Корисно е да ги проверите извештаите од инспекцијата за базенот што сакате да го посетите за да бидете запознаени за постоење на каква било историја на здравствени или безбедносни проблеми.
Задолжително туширајте се пред да влезете во вода, а избегнувајте го базенот доколку имате проблеми со дијареја.
Понатаму, не влегувајте во базен ако имате отворена рана. Ако имате рана, а сепак сакате да одите на базен, понесете водоотпорни фластери. Избегнувајте голтање вода од базенот и секако, истуширајте се по капењето во базен.
