Овој концепт е составен дел од јапонската култура и е голема причина зошто најздравите деца во светот денес живеат во Јапонија, објаснуваат експертите и откриваат што прават родителите таму поинаку за да ги одржат децата здрави и полни со енергија.
- Шокуику почнува да се применува рано
Јапонските лекари често ги поттикнуваат мајките да воведуваат оброци „ichijū-sansai“ на своите деца. Тие вклучуваат сад со ориз и мисо супа, по што следи протеинско јадење и два вида зеленчук (како што се алги и печурки) за да се обезбедат витамини, минерали и влакна. Како што растат децата, тие почнуваат да учат за здравите навики во исхраната.
Во некои предучилишни установи децата берат зеленчук за ручек, додека во основните училишта учат за фарми каде се произведува зеленчук, риба и друга храна.
- Разговараат за содржината на кутиите за ручек
Повеќе од 95 отсто од јапонските основни и средни училишта имаат организиран угостителски систем. Оброците ги планираат нутриционисти, а учениците активно учествуваат во подготовката на ручекот.
Оваа опција ја нудат и многу градинки, но домашните бенто кутии можат да играат важна улога во образованието. Воспитувачките во градинка ги замолуваат децата да разговараат за тоа што има во нивните кутии за ручек. Ова го прави времето пријатно, а децата се охрабруваат да пробуваат нова храна, па дури и да го изразат своето незадоволство од одредена храна.
- Готват храна богата со хранливи материи
Според јапонските родители правењето домашни кисели краставички и замрзнувањето други овошја и зеленчуци го поедноставуваат секојдневното готвење. Кај нив нема во детското мени е без грицки со многу шеќер и маснотии, како чипс или крекери.
Тие прават резервни оброци во порции, за кои велат дека, им даваат можност да подготват хранлив ручек, дури и кога немааат доволно свежи намирници.
- Пијат вода и чај наместо газирани пијалаци
Тие не го ограничуваат пристапот на децата до овошни сокови и повремени шејкови. Но, од раното детство им нудат чај од јачмен кој е богат со минерали и не содржи кофеин. Тоа е популарен избор меѓу Јапонците од сите генерации и одлична алтернатива за слатки чаеви и пијалоци со вкус од продавниците.
