Во Харбин, главниот град на кинеската провинција Хајлонгџианг, се забранети сите јавни собири откако е забележано зголемување на новозаразени со коронавирус.
Според податоците на кинеската Национална здравствена комисија, вчера во Хајлонгџианг, биле забележани седум локално пренесени случаи на инфекција со Ковид-19, што ги натерало властите да ги заострат ограничувањата, пренесува Си-ен-ен.
Покраинската влада соопшти дека на сите жители во градот со население од 10 милиони извесен период ќе им биде дозволено да се дружат само во рамките на нивните домаќинства.
Во моментов, во провинцијата Хајлонгџианг се пријавени 54 случаи на инфекција со коронавирус, од кои 52 се од градот Харбин.
Харбин се наоѓа на околу 480 километри северозападно од Суифене, кинески град на руската граница, каде минатата недела исто така е забележан пораст во бројот на заразени.
