За неколку дена, поточно 31.10.2021 година во 3 часот наутро завршува летното сметање на времето. Часовникот се враќа наназад, а луѓето со нетрпение ја очекуваат таа ноќ – тоа е уште еден час подолго во кревет! Но, дали е така навистина?
- Ако сте родител на мали деца, секако дека не е. Иако сите знаеме дека еднаш годишно, кон крајот на октомври, имаме можност да се вратиме еден час наназад, таа порака навистина не допира до бебињата и малите деца
Имено, децата ќе се разбудат како и обично и нема да изберат да спијат подолго, на разочарување на нивните родители. Како тогаш полека да го прилагодите новото време на старите рутини? Кога треба да имате оброци? Како и кога да се синхронизирате со вашето дете? Порталот „Made For Mums“ дава неколку идеи.
Започнете со подесување на часовниците порано
Неколку дена претходно сменете ја рутината на вашето дете со тоа што ќе ја поместите 10 минути подоцна. Следниот ден поместете ја уште за 10 минути и така натаму. Тоа значи дека до четврток сте во време на 18:40 часот, а светот е сè уште во 18 часот. До недела, светот ќе ве стигне, а вашето дете нема ни да забележи, веќе среќно се вклопило во рутината.
Но, реално, како тоа се одвива? Дали навистина можете да живеете во паралелен универзум една недела? Што се случува ако треба да го однесете вашето дете во градинка или училиште (каде што не ги играат вашите игри со времето)? Не е можно да продолжите со прилагодување на времето.
Ако децата одат во градинка или на училиште и тоа ви ги нарушува плановите, она што ви паѓа на ум е да го поместите часовникот еден час пред спиење во сабота навечер. Сепак, ова не е секогаш добра идеја, според консултантот за спиење Кејти Палмер од „Infant Sleep Consultant“.
„Вашето дете веројатно ќе се разбуди во вообичаеното време во недела“, вели Кејти.
Нашите внатрешни часовници за спиење се прилично моќни
Ова е многу поразумен пристап: „Прифатете дека вашето дете најверојатно ќе се разбуди во нормално време, но погрижете се да остане во креветче или кревет уште десет минути или повеќе“.
Има уште една солидна опција, а тоа е постепена промена на времето за оброци, што може да помогне добро да се прилагоди телесниот часовник.
Кејти Палмер смета дека во тој случај треба да се искористи можноста да се однесат децата во кревет што е можно доцна, доколку е можно да се избегне порој од уморни солзи. Неколку цртани пред спиење или дополнителна приказна може да помогнат во тоа.
