Срцевите удари поврзани со бремноста, особено во периодот по породувањето се во пораст кај жените кои имаат над 30 години, укажуваат резултатите од новата студија што ги објави Здружението на кардиолози на САД.
Истражувањето покажало дека речиси три четвртини од жените кои доживеале срцев удар, биле постари од 30 години.
Студијата покажала дека како расте возраста на мајката се зголемува и нејзината телесна тежина, па така се зголемува и зачестеноста на акутниот миокарден инфаркт (срцев удар).
Истовремено, ризикот од срцев удар го зголемуваат и веќе познатите ризик фактори како дијабетес, зголемен холестерол, хипертензија (зголемен крвен притисок) и пушење.
Од жените кои имале срцев удар за време на истражувањето, 37 проценти доживеале срцев удар за време на бременоста, 12 проценти за време на породувањето и 51 процент по породувањето.
Се смета дека бременоста е тест за кардиоваскуларниот стрес. Исто така, луѓето често забораваат на постпородилниот период, но тоа е период на висок ризик поради промените во кардиоваскуларниот систем на мајката.
