Алергијата и интолеранцијата на кравјо млеко се многу чести појави кај бебињата и децата, но важно е да се знае разилката помеѓу овие два поими.
- АЛЕРГИЈА НА МЛЕКО
Алергијата на млеко е најчеста форма на алергии кај децата, а зафаќа од 2 до 7% од новороденчињата. Причина за ваквата алергија е проблемот со имуниот систем – телото реагира на протеинот во млекото. Се јавува кога имуниот систем на организмот реагира абнормално на протеинот во кравјото млеко и млекото од други животни. Обично се јавува кај бебиња помлади од 1 година. Вашиот лекар може да потврди дали вашето дете е интолерантно на лактоза или има алергија на млеко, со помош на медицински тестови.
СИМПТОМИ:
Како и кај повеќето алергиски реакции и во овој случај потешкотиите се јавуваат во дигестивниот систем, на кожата и на белите дробови. Реакциите на млеко може да се јават во рок од неколку минути до неколку денови. Брзите реакции вклучуваат:
- Осип
- Отекување на усните, лицето или очите
- Болка во стомакот
- Повраќање
- Дијареа
- Бучно дишење
- Отечен јазик
- Отечено или тесно грло
- Засипнат глас
Одложените реакции вклучуваат:
- Зголемување на егземата
- Крв или слуз во столицата
- Повраќање и/или дијареа 2-24 часа по консумирање на млеко
ИНТОЛЕРАНЦИЈА НА МЛЕКО
Лактозата е шеќер кој се наоѓа во млекото. Понекогаш луѓето не произведуваат доволно ензим лактаза во цревата да ја разградат лактозата. Многу мал број бебиња имаат вистинска интолеранција на лактоза – ретка генетска состојба во која се раѓаат без ензим лактаза (ова се нарекува примарна интолеранција на лактоза).
Но, многу луѓе подоцна во животот развиваат интолеранција на лактоза, по 5. година. Бебињата и малите деца може да станат интолерантни на млеко, ако слузницата на цревата е оштетена со болест како гастроентеритис, алергија или интолеранција на друга храна. Тоа се нарекува секундарна интолеранција и по излекување на болеста, исчезнуваат и симптомите на интолеранцијата.
СИМПТОМИ
Симптомите на интолеранција на лактоза кај бебињата и децата се:
- Течна, понекогаш зелена, пенлива столица
- Раздразливост
- Болки во стомакот
- Надуеност
- Гасови
- Стагнирање во телесната тежина
- Пеленски осип
