Џиновско бебе тешко 6,420 кг и дури 68 сантиметри долго се роди на 5 август во родилиштето во Горњи Милановац, Србија. Како што велат, ова момче е сигурно најголемото бебе оваа година досега, а ниту лекарите ниту родителите не очекувале дека ќе биде толку големо.
Мајката Сузана Кучина (27) го родила своето трето дете со царски рез, а како што изјави, ништо не укажувало на тоа дека малиот Павле ќе биде толку крупен.
„Бременоста беше нормална, уредна, физички ми беше потешко, знаевме дека е големо, но не знаевме дека е баш олку големо. Најмногу сакав да јадам солена храна, не избирав, само јадев малку повеќе и тоа солена храна. Момчето се вика Павле“, изјави мама Сузана за српските медиуми.
Павле е едно од најголемите бебиња во историјата на Србија, а рекордот го држи бебе тешко 7,5 килограми родено пред 35 години во родилиштето „Народни фронт“ во Белград
Сузана досега се породувала веќе двапати, а нејзините поголеми деца биле со нормална тежина, околу 3.700 грама.
„Немаше разлика во однос на другите две бремености. Можеби единственото нешто беше што јадев малку повеќе, но само солени оброци и бев поуспорена. Сега знам зошто, бидејќи бебето беше навистина големо. Не знаеме како порасна толку многу, но сме пресреќни. Најважно е дека се помина во најдобар ред“, изјави мајката.
Иако породувањето започнало природно, било одлучено да се направи царски рез.
„Почнав да се пораѓам по природен пат, но бебето беше високо, па се направи царски рез, се помина добро“, вели Снежана Кучина.
Покрај момчето и девојчето што ги има дома, малиот Павле и е трето дете, а примариус д-р Драган Перишиќ, гинекологот кој го изврши породувањето вели дека не се сомнева дека малиот еден ден ќе биде крупен човек.
„По големината на стомакот видов дека ќе биде крупно бебе, но оваа големина е исклучително голема. Не само овде, туку и во цела Србија. Мајката дојде со контракции и одевме на природно породување, но на крајот направивме царски рез. Кога ја видовме главата се изненадив од нејзината големина, а кога го извадивме навистина бевме изненадени. Најверојатно ќе биде крупен, времето ќе покаже како ќе се развива, но голема е веројатноста дека ќе биде крупен човек“, изјавил д-р Перишиќ.
Павле е едно од најголемите бебиња во историјата на Србија, а рекордот го држи бебе тешко 7,5 килограми родено пред 35 години во родилиштето „Народни фронт“ во Белград, пишуваат српските медиуми.
