Иако не постои единствена дефиниција за тоа што е бес или тантрум, тој може да се сфати како интензивен, емоционален излив или испад што навидум доаѓа од никаде. Секогаш вклучува комбинација од внатрешни стресори (на пр. глад, замор, фрустрација итн.) и надворешни стресори (на пример, преминување од забавна активност на помалку забавна), а способноста на детето ефективно да се справи со дадената ситуација е ниска или никаква.
Тантрумите се најчести на возраст од две до пет години, но може да започнат уште од една година, а може да продолжат до предучилишна возраст.
Тантруми на возраст од 1 до 2 години
Тантрумите обично вклучуваат плачење и физичка манифестација како што се фрлање на земја, удирање со нозете и рацете на подот или некој предмет. Најдоброто нешто што може да направите на оваа возраст за да го смирите детето е да го земете во раце и да го утешите.
Исто така, функционира и пренасочување на вниманието од она за што детето е вознемирено на нешто друго. На пример, ако е луто затоа што не му дозволувате да истражува небезбеден предмет или област, пренасочете му го вниманието на алтернативен предмет или област што е безбедна.
Тантруми на возраст од 2 до 3 години
Како што вашето бебе полека расте, помнењето и когнитивните способности се развиваат, така што пренасочувањето на вниманието повеќе не е толку ефикасен метод за смирување на бесот. Меѓутоа, со подобрената меморија доаѓаат и поразвиени јазични вештини кои им помагаат на малите деца да ги процесираат и поефикасно да ги изразат своите емоции.
Адресирањето на на емоциите на детето и сочувствувањето со она за што е вознемирено, го учи дека кога ќе ги изрази своите чувства со зборови, ќе ги задоволите неговите потреби и подобро ќе го разберете. Децата на оваа возраст, исто така, може да бараат од вас да ги држите во прегратка за да ги смирите бидејќи физичката агресија достигнува врв на оваа возраст.
Тантруми на возраст од 3 до 4 години
На оваа возраст, вашето дете треба да стане повешто во вербално изразување на своите чувства, но сепак му треба помош за регулирање на чувствата, дури и ако изгледа дека ја одбива вашата помош додека има тантруми. Дајте му време и простор да се смири, бидејќи ова е многу корисна техника на оваа возраст. Во исто време, погрижете се да знае дека сте тука за него така што ќе го прегрнете ако сака утеха.
Тантруми на возраст од 4 до 5 години
Кога вашето дете ќе наполни 4 и 5 години, треба да може да ги изрази своите чувства со зборови, како и да развие алатки кои ќе му помогнат да се смири.
Децата на оваа возраст може да се научат да користат вежби за дишење, прогресивна релаксација, едноставни јога пози и други стратегии за самоконтрола доколку почнат да се чувствуваат фрустрирани, лути или вознемирени. Поставувањето “ќоше за смирување“ или посебно место каде што вашето дете може да отиде секогаш кога треба да се смири, може да биде корисно на оваа возраст.
