Во просек децата помали од три години настинуваат 6 до 8 пати во годината. Според педијатарката Керл Бејкер, професорка на Медицинскиот факултет во Хјустон, причината за тоа е поради тоа што поголем број на деца се сретнуваат со вирусите за прв пат, а нивниот имун систем не е способен да ги уништи со брзина со која се среќава. Дотолку повеќе што децата не се оптоварени кога им тече од носот, па вирусот може да заврши на рацете, облеката и играчките каде може да преживее 30 минути. Кога друго дете ќе ја допре заразената играчка, а потоа ги протрие очите или носот може да фати настинка.
Меѓутоа, честите настинки во раниот животен период може да го заштитат детето подоцна во животот. Истражувачите откриле дека децата кои често се настинати за времето додека одат во градинка, имаат помал број на настинки во текот на училишните години – веројатно поради тоа што имуниот систем научил да ги препознава и да се бори со вирусите.
Траење и симптоми
Настинката обично трае од 6 до 14 дена, многу подолго отколку што родителите сметаат дека би требало. Според педијатрите, децата најзарасни се во текот на првите три дена, но сеедно со вирусот може да се заразат и ако некое друго лице ја има цела недела.
- Болно грло е обично прв знак на настинка и во просек трае 5-9 дена.
- Течењето нос почнува вториот или третиот ден. Кај 30% од децата трае десетина дена, а кај 20% 14 дена.
- Кашлицата обично се појавува за време на настинката и може да продолжи до три недели.
- Високата телесна температура обично се појавува на почетокот и трае 2-3 дена. Доколку трае подолго треба да се побара педијатриска помош.
ЗАШТИТА
Најлесен начин за добивање настинка е кога со заразени раце се допираат носот или очите. Миењето раце функционира како превентива само доколку се мијат со сапун и вода и тоа во траење од 30 секунци. Вирусите не се шират лесно преку воздухот, освен ако некој директно не ви кивне во лице. Затоа, кивањето во марамче или прекривање на устата со рака е наједноставниот начин на заштита.
Она што е важно, според педијатрите, при лекувањето на силната кашлица и настинка е да се биде внимателен при користењето на лекови кои иако можат да се купат без лекарски рецепт, важно е за нив да се посоветувате со лекар. Децата може да имаат реакција на лековите за кашлица и кај нив да предизвикаат вознемиреност, раздразливост и халуцинации.
Кога на лекар?
- Температура повисока од 38,5 степени подолго од три дена, исцедок од носот во траење од 10 дена
- Детето се жали на болка во ушите, многу е нервозно и има треска подолго од четири дена.
- Пригушени или некои други звуци додека детето дише или сува кашлица која се влошува.
- Болни рани во устата.
