Со оглед дека пченката не содржи глутен, одлична е за почеток на дохраната кај бебињата, и тоа како палента.
Пченката е со потекло од Северна Америка, каде Индијанците ја одгледувале долж реката Рио Гранде. Откако во 1493 година, Колумбо ја пренел пченката во Европа, нејзината популарност се шири и на Блискиот Исток, Азија и целиот свет.
Денес пченката е втора по ред одгледувана житарка, веднаш по оризот.
Како и сите останати житарки, и пченката е богат и важен извор на скров, витамини од Б групата, витамин Е, провитамин А и белковини. Од минерали, најмногу содржи фосфор, калиум и магнезиум. Со оглед дека лесно се вари во организмот и не содржи глутен, идеална е за првите кашички во дохраната. За почеток кашичките од палента или пченкарни снегулки мешајте ги само со млеко, а како бебето ќе станува се поголем гурман, додадете во неа и зеленчук, но и овошје.
