Родителите често се во дилема кое овошје кога да му го воведат на своето бебе, особено кога станува збор за цитрусно овошје кое има многу кисел вкус. Практиката е вакво овошје да се дава само дури по првата година, тоа особено се однесува на портокалите, лимоните, лиметите, грејпфрутите и мандарините.
Ако се прашувате зошто во споредба со другите овошја треба да чекате цели 12 месеци, одговорот е киселина. Не е препорачливо да се воведуваат порано поради киселоста на овошјето и поради тоа што помладите бебиња веројатно ќе добијат осип. Високото ниво на киселост може да предизвика болен пеленски осио, па дури и осип околу устата. Стомакот на бебето не може да ја вари храната како возрасен. Цитрусот потешко паѓа на стомакот на бебето отколку што мислите. Затоа, не ги хранете со овошје за кое нивното тело не е подготвено.
За да се спречат алергиски реакции на цитрусно овошје, тие треба да се внесуваат постепено, во мали количини во период од неколку дена. Кога ќе ги дадете, проверете дали има видливи знаци на алергија. По една година, веројатноста за добивање на алергија се намалува. Добрата работа кај агрумите е тоа што тие се преполни со витамини, влакна и минерали. Храна богата со витамин Ц, освен цитрусно овошје, се брокулата, зелката, спанаќот, зрелата папаја, дињата и многу други. Сите овие намирници можат да го заменат овој вид овошје, па затоа нема потреба од брзање.
Што се однесува до воведувањето на цитруси, бебињата можат да имаат аверзија од самиот почеток поради горчината и киселиот вкус. Затоа, немојте веднаш да давате чист плод, туку обидете се да го измешате со некоја друга храна со сладок вкус. Јогуртот е исто така одличен избор, особено ако се направи смуди или ако се додаде во житарки.
Храна која оди со портокали:
• Авокадо
• Боровинки
• Малини
• Праски
• Сладок компир
• Пилешко
• Јогурт
