Плишани играчки
Полнетите играчки или играчките со тврди и нефлексибилни делови треба внимателно да се чистат, за да се не деформираат. Ако ги перете рачно, додадете две-три лажици дестилиран бел оцет во топла вода за дополнително освежување. Плишаните играчки што може да се перат машински ставете ги во навлака за перница и вклучете ги на програма со ниска температура на перење.
Пластични играчки
Измијте ги во сад полн со топла вода, во кој ќе додадете благ детергент за садови. Потоа исплакнете ги и ставете ги на крпа да се исушат. Доколку се направени од тврда пластика, можете да ги исперете и во машина за миење садови (се разбира ако се без батерии или вградена електроника!). Играчките, кои не може да ги потопите во вода, избришете ги со мека крпа на која претходно сте испрскале универзално антибактериско средство за чистење. А потоа пребришете ги со добро исцедена влажна крпа.
Дрвени играчки
Доволно е само да ги избришете со влажна крпа за да се отстрани прашината. Ако со нив играле и други деца, па сте загрижени за присуство на бактерии, исперете ги со топла вода и детергент за миење садови. Дрвените играчки не смеат долго да бидат во вода и веднаш треба да се исушат, во спротивно дрвото може да се деформира и испука.
Електронски играчки
За чистење на играчките со вградена електроника користете специјално дизајнирани влажни марамчиња, а може да ги избришете и со мека крпа натопена во алкохол. Поминете преку површината на играчките, а потоа оставете да се исуши.
Играчки за во бања
Избегнувајте ги играчките со дупки и вдлабнатини бидејќи тие никогаш не може добро да се исушат одвнатре, па лесно стануваат подлога за развој на камен и мувла. За да спречите размножување на бактериите, играчките по секоја употреба измијте ги со топла вода и детергент.
Средства за чистење од вашата кујна
Сода бикарбона – за плишаните играчките кои не може да се перат во вода, а кои е потребно да се исчистат, користете сода бикарбона. Таа ја апсорбира влагата и помага во отстранување на дамките и непријатниот мирис. Ставете ги играчките во пластична ќеса и посипете неколку лажички сода бикарбона. Внимателно протресете ја ќесата и оставете да отстои половина час, а потоа исчеткајте ја играчка со мека четка и отстранете ја вишокот прашина со правосмукалка.
Оцет – ефикасен и ефтин раствор за чистење на играчките е и комбинација на чаша вода и чаша дестилиран бел оцет. Измешајте ги течностите и ставете ги во шише со распрскувач. Попрскајте ја малку крпата, а потоа со неа исчистете ги играчките. Мирисот на оцет целосно исчезнува кога играчките ќе се исушат.
Еко-паста – за пластичните играчки за кои е потребно повеќе чистење направете паста од вода и сода бикарбона, чиишто абразивни својства ќе ви помогнат да ги отстраните нечистотиите насобрани во пукнатините. По чистењето задолжително темелно исплакнете ги играчките.
