Секако, како и секоја врска, така и оваа си има свои подеми и падови (тинејџерски години), но не може да се негира дека врската мајка – ќерка е навистина нешто посебно. Со ова тврдење се согласуваат и научниците.
Врската со мајката е една од најтрајните емотивни врски што ги имаме во животот
Според студијата објавена во „The Journal of Neuroscience“, врската мајка-ќерка е посилна од сите други односи родител-дете. Во студијата чија цел било откривање зошто нарушувањата на расположението (како што е депресијата) обично се пренесуваат од мајките на нивните ќерки, истражувачите извршиле скенирање со магнетна резонанца на 35 здрави семејства. Интересно е што откриле дека мајките и ќерките имаат слична анатомија кога станува збор за делот од мозокот кој ги регулира емоциите.
Водечката авторка, Фумико Хоефт, вонреден професор по психијатрија на Универзитетот во Калифорнија, објаснила дека испитуваниот кортико-лимбички систем е силно поврзан со депресијата. Затоа, менталното здравје на мајката може да служи како предиктор за менталното здравје на нејзината ќерка, а со оглед на тоа што има добри резултати за превентивно лекување на депресијата, наведеното знаење за семејната историја може да биде многу корисно.
Колку и да ве нервираат советите на вашата мајка низ животот, и колку и да ви изгледаат понекогаш бесмислени, кога ќе остарите, а особено кога ќе станете мајка, ќе забележите дека таа всушност била во право
„Оваа поврзаност беше значително поголема од другите: мајка-син, татко-ќерка и татко-син“, изјавија истражувачите за „PureWow“. Со други зборови, мајките и ќерките имаат поголема веројатност да се разберат едни со други и да се поврзат емотивно од кој било друг. Ова е дефинитивно нешто што треба да го имате на ум следниот пат кога мајка ви ќе ви понуди некој добронамерен (но можеби несакан) совет.
Врската со мајката е една од најтрајните емотивни односи што ги имаме во животот, полна со поддршка и блискост, но истовремено и напорна, полна со турбуленции и очекувања, често „зачинета“ со незадоволство и непростување и чувство на отфрленост.
Значи, колку и да ве нервираат советите на вашата мајка низ животот, и колку и да ви изгледаат понекогаш бесмислени, кога ќе остарите, а особено кога ќе станете мајка, ќе забележите дека таа всушност била во право.
