Применете ги овие совети и трикови кои гарантирано ќе ви помогнат добро да ја испланирате работната недела и при тоа да ви остане време за одмор и дружење со семејството и оние кои ги сакате.
- Оброци
На многумина планирањето и подготовката на оброци за неделата што претстои не им е особено примамливо, но тоа навистина помага. Ако не сте личност која ужива во ова, можете да направите “намерни остатоци“. Направете дупла порција со план. На пример ако печете пилешко во недела, сочувајте остатоци исечкано месо за тортиљи или бурито за идниот ден или за ден потоа. Ако ваквото готвење однапред, ви е напорно, обидете се макар да ги излупите, измиете, исечкате намирниците за да си ја намалите работата за подоцна.
- Листа на намирници
Не чекајте да дојде среда да сфатите дека во фрижидер имате уште еден јогурт, па морате да трчате во последен момент на пазарање. Наместо тоа, направете листа на се што им подготвувате на децата за оброкот што го носат во училиште, и така ќе бидете сигурни дека се сте подготвиле навреме.
- Испланирајте ја облеката
Без разлика на тоа колку ви е важно за изгледот, претходната подготовка може да ве спаси. Иако, не е неопходно за секој ден точно да знаете што ќе носите од глава до петици, да има макар идеја што се ќе носите во текот на неделата, ќе ви обезбеди доволно време наутро.
Планер
Избегнете да го уништите почетокот на својата седмица, оти не сте одвоиле 15 минути од времето во недела навечер да го испишете својот планер. Бидете сигурни дека освен закажаните состаноци и прегледи, сте ги запише и останатите работи. Само прашајте се што ве очекува идната недела?
- Пробајте “моќно чистење“ од 30 минути
На многу мајки им е многу тешко да бидат смирени во понеделник ако затекнат хаос во бањата или кујната во понеделник наутро. Во недела, обидете се да ги организирате децата и партнерот, ставете аларм и обидете се за 30 минути да направите заедно што повеќе работи низ домот. Ќе бидете изненадени колку нешта ќе завршите.
- Не оставајте се за во недела
Ова е најчеста грешка која можете да ја направите и е многу лоша идеја. Не само што е малку веројатно дека ќе стигнете се да направите, постојат големи шанси да се изнервирате за време на хаосот. Направете неколку подготовки пред недела како ден. Средете ја облеката секој ден по малку, да не паднете во куп валкани алишта кои преку цел викенд ќе мора да ги перете.
