Техниката ЧПЧПП е корисен и едноставен метод за поефикасно учење. Се состои од пет логични чекори кои го прават учењето поорганизирано, поразбирливо и поефективно.
- Чекор – Читај површно (Ч)
Прво, добиј преглед. Не нурнувај веднаш во детали – прелетај низ лекцијата. Прочитај го резимето (ако го има), погледни ги насловите, болдираниот текст, сликите и табелите. Целта е да создадеш слика за тоа што ќе учиш.
- Чекор – Поставувај прашања (П)
Пред детално да читаш, запрашај се: Кој? Што? Каде? Кога? Зошто? Како?
Овие „полициски прашања“ ја активираат твојата концентрација и ја зголемуваат мотивацијата за учење.
- Чекор – Читај активно (Ч)
Сега читај внимателно.
- Барај ја главната идеја во секој пасус.
- Подвлекувај или обележувај го новото и важното – но не претерувај.
- Читај со цел да разбереш – не само механички. Потсетувај се зошто читаш и што сакаш да запомниш.
- Чекор – Помни (П)
Затвори ја книгата и обиди се со свои зборови да кажеш што си научил/а.
- Направи кратки белешки.
- Изговори ги гласно мислите.
Овој чекор е клучен – помнењето бара активност, не само читање.
- Чекор – Повторувај (П)
Без повторување – лесно се заборава. Затоа, поучено провери го истиот ден, а потоа повтори го по:
- 2 дена
- 8 дена
- 30 дена
Овој ритам на повторување го зајакнува долгорочното помнење.
