Во време кога учениците се навистина преморени, уморни, а истовремено не гледаат нас како пиеме кафе за да се разбудиме, не е невообичаено да се очекува и ним да им падне на памет да го направат истото. Но, дали е тоа навистина добра одлука?
Имено, кога сме уморни посегнуваме по кафе. Кафето е составен дел од утрата и попладневните часови на многу луѓе. Уживаме во тоа кафе и често даваме до знаење дека кафето не буди. Па зошто да не го мислат истото и учениците од училиштата, кои и онака често се уморни и ненаспани?
Децата помлади од 12 години не треба воопшто да консумираат кофеин
Дали децата треба да пијат кафе? Не зборуваме за деца од пет години, туку деца кои се самостојни и сами одат и се враќаат од училиште, од продавница, всушност можат сами да си купат кафе, ако сакаат. Но, кои се можните долгорочни и краткорочни несакани ефекти од кафето?
Дали кафето е лошо за децата?
Во мали количини, кафето не е нужно лошо за децата, но има неколку работи што треба да ги земеме предвид пред да им дозволиме да консумираат каква било количина.
Редовното пиење кафе во детството може да стане навика, а децата можат да страдаат од симптоми на одвикнување, исто како и возрасните. Тие може да вклучуваат замор, промени во расположението, потешкотии со концентрирањето и главоболки
Процент на кофеин: Препораките велат дека децата под 12-годишна возраст никогаш не треба да консумираат кофеин. Сепак, една студија спроведена во Америка и објавена во списанието „Pediatrics“ открила дека неверојатни 73% од децата и адолесцентите пијат одредена количина на кофеин дневно. Поголемиот дел од тоа доаѓа од кафе, газирани или енергетски пијалаци. Децата на возраст од 12 до 18 години не треба да консумираат повеќе од 100 mg кофеин дневно, според упатствата од Американската академија за детска и адолесцентна психијатрија.
Децата помлади од 12 години не треба воопшто да консумираат кофеин.
Несакани ефекти од кафето за децата
Содржината на кофеин во кафето може да влијае на децата поинаку отколку кај возрасните, бидејќи нивните тела се генерално помали и сè уште се развиваат и имаат различни потреби. Штетните ефекти на кафето и пијалаците со кофеин може да бидат следниве:
- Зачестено мокрење и опасност од дехидрација. Кафето е диуретик, што значи дека големи количини може да ги дехидрираат децата.
- Променета ментална состојба. Едно истражување покажува дека внесот на кофеин кај децата е поврзан со зголемено чувство на стрес, анксиозност и депресија.
- Лоши обрасци на спиење. Кофеинот може да ги промени циклусите на спиење кај децата, што може да го прекине растот на мозокот и телото.
- Грчење и нервоза.
- Зависност од кофеин. Редовното пиење кафе во детството може да стане навика, а децата можат да страдаат од симптоми на одвикнување, исто како и возрасните. Тие може да вклучуваат замор, промени во расположението, потешкотии со концентрирањето и главоболки.
- Вознемирен стомак или мачнина.
Покрај тоа, прекумерните количини на кофеин може да доведат до предозирање со кофеин, што може да бара итно лекување. Симптомите на предозирање со кофеин може да вклучуваат повраќање, висок крвен притисок, забрзано чукање на срцето, проблеми со срцевиот ритам и, поретко, дезориентација и халуцинации. Младите луѓе со одредени здравствени состојби како што се срцеви проблеми, напади или мигрена може да бидат повеќе изложени на ризик од проблеми поврзани со кофеинот од другите.
Колку кафе е прифатливо за децата?
Додека во Америка Здружението на педијатри воопшто не е заговорник за кафе во детската возраст, во Канада има некои упатства кои гласат вака: „Децата и адолесцентите (до 18 години) можат да пијат 2,5 mg на кг телесна тежина дневно“.
Дополнително, добро е да ја знаете содржината на кофеин во пијалакот што го сака вашето дете, а него го има и во некои газирани пијалаци, како и во популарните енергетски пијалаци.
Побезбедни начини децата да пијат кафе
Што можат да направат родителите ако нивното дете едноставно сака кафе? Можете да пробате кафе без кофеин, иако и тоа не е најздравата опција. Имено, важно е да се има предвид дека дури и ваквото кафе може да содржи и до 7 мг кофеин по сервирање.
