Мал број деца (едно на 2.000 до 3.000) се раѓаат со мали зашилени заби, а останатите го добиваат првиот млечен заб помеѓу петтиот и осмиот месец од животот.
По правило, никнувањето на забите започнува во долната вилица – и тоа со првите предни секачи. Следни на ред се горните предни секачи, а потоа левиот и десниот секач. Осум секачи се најчесто видливи околу првиот роденден, половина година подоцна избиваат и премолари. Следат очниците, а на крајот и катниците, така што на возраст од две и пол до три години, сите деца имаат комплетен комплет млечни заби со 20 млечни заби.
ПРИДРУЖНИ ТЕГОБИ
Симптомите кои го придружуваат никнувањето на млечните заби се разликуваат од дете до дете: некои деца речиси и не ги забележуваат, додека други се целосно обземени од нив, па затоа:
- Немаат апетит
- Образите им се црвени и рапави
- Плачливи се и раздразливи
- Лошо спијат
- Ставаат во уста се што ќе им дојде под рака
- Ги гризаат чашките за пиење
- Интензивно се лигават
- Некои бебиња со сите пропратни тегоби добиваат и дијареа, пеленски осип, осип по целото тело, лесна температура – придружни појави на ослабен имунитет во тој период.
