На голем број родители одвреме навреме им недостасува енергија кога станува збор за воспитувањето и грижата за нивното дете, што може да резултира со таканаречен „бурнаут“ или родителско согорување. Иако истражувањето за родителското согорување е релативно ново, експертите го идентификувале како еден од водечките проблеми во глобалните заедници и култури. Но, како воопшто да препознаете дека станува збор за бурнаут или синдром на согорување, а не само за недостаток на сон или енергија?
Како што објаснуваат експертите, постојат неколку знаци кои може да укажуваат на тоа дека личноста поминува низ родителска исцрпеност или согорување. Ова го подразбира следново:
- Чувство на физичка или емоционална исцрпеност
- Нагли промени на расположението
- Раздразливост
- Недостаток на мотивација за работи кои отсекогаш не интересирале
- Несоница.
Иако некој од овие симптоми не мора веднаш да значи дека родителот поминува низ бурнаут, доколку тие постојано се повторуваат или не поминуваат долго време, постои голема веројатност да се работи токму за родителско согорување.
