Резултатите на студијата доаѓаат откако здравствените власти во Велика Британија вршат итен преглед на податоците за употребата на витамин Д како „спасувач на животот“ во борбата со коронавирусот, со неколку истражувања кои сугерираат дека пациентите со Ковид-19 имаат многу поголема веројатност да умрат ако имаат недостаток на витаминот
Скоро 99% од хоспитализираните пациенти со Covid-19 кои имаат дефицит на витамин Д – умираат, покажува застрашувачката студија која носи уште докази дека „сончевиот“ витамин би можел да ви го спаси животот во случај на инфекција со коронавирус.
Индонезиските истражувачи анализирале болнички податоци на 780 лица кои биле позитивни на SARS-CoV-2.
Резултатите откриле дека 98,9% од заразените пациенти дефинирани како пациенти со дефицит на витамин Д под 20 ng/ml – починале. Овој процент паднал на само 4,1% кај пациенти кои имале доволно од витаминот.
Истражувачите предупредија дека студијата не е дефинитивна, затоа што пациентите со високи нивоа на витамин Д биле поздрави и помлади.
Резултатите на студијата доаѓаат откако здравствените власти во Велика Британија итно вршат преглед на податоците за употребата на витамин Д како „спасувач на животот“ во борбата со коронавирусот, со неколку истражувања кои сугерираат дека пациентите со Ковид-19 имаат многу поголема веројатност да умрат ако имаат недостаток на витаминот.
Индонезиската студија не е поврзана со експерти од ниту еден универзитет, за разлика од повеќето истражувања за Ковид-19. Сите пет истражувачи, предводени од Прабово Рахарусуна, се наведени како „независни“. Во трудот нема детали за нивната научна позадина.
Истражувањето, објавено во април, допрва треба да биде разгледано од научниците, процес што често открива недостатоци во студиите.
Тимот открил дека пациентите со дефицит со витамин Д имаат 10 пати поголеми шанси да умрат кога се земени предвид возраста, полот и коморбидитетите. Тие повикаа на рандомизирани контролирани студии што се смета за златен стандард на научните истражувања, за да докажат дали витаминот Д навистина може да го спаси животот. (Дејли мејл)
