“Моето дете поминува премногу време пред телевизор“, една е вообичаените поплаки на многу родители. Од друга страна, многу родители ја користат истата таа телевизија за да ги смират децата. Меѓутоа, децата често не го разбираат значењето на она што го гледаа дека неконтролираното гледање телевизиска програма ја ограничува имагинацијата, наметнува погрешни вредности, ја намалува подвижноста и поттикнува на насилство.
Иако често се зборува за штетноста на одредени програми, тоа би можело да се препише и на рекламите. Затоа е важно на децата да им се објасни смислата на рекламирањето и што рекламите всушност претставуваат. Младите кои штотуку ја обликуваат својата личност, изложени се на површни вредности на силата, соперништвото и убавината. На тоа, особено внимание мора да посветат родителите и наставниците. Со јасни објаснувања и примерно однесување на децата треба да им се всади почитување и кон други вредности, а не само убавина и сила.
Според истражувањето на Американското здружение на психолози, едно дете пред навршување на 14. година, на телевизија видело повеќе од 8.000 убиства. Колку се помали, толку полесно се влијае на нив, бидејќи кај нив е слабо развиена самоодбраната од она што им се пренесува.
Речиси се што гледаат е насилство, вклучувајќи ги и цртаните филмови. Ликовите се силни, летаат и херојски се однесуваат. Воопшто не одржуваат реалност. Но, повеќето деца обожаваат да ги гледаат, и во многу слуачи ги имитираат. Во детската глава не остануваат детали, туку општа идеа на она што го виделе. Детето во имагинацијата ја искривува таа идеа и се јавува и страв.
Докажано е дека некои сцени оставаат посилен впечаток на детето од останатите. На пример, неразјаснетата смрт може да го остави детето мирно, но смрт предизвикана од ладно оружје остава посилен впечаток. Агресивноста на телевизијата е повоочлива кога ќе се соберат повеќе деца или ако сами гледаат телевизија. Се покажало дека насилните сцени следени во присуство на родител не делуваат толку интензивно на чувствата на детето. Заеднички гледајќи телевизија кај децата може да се забележат нивните реакции и да се намали нивното влијание. Во спротивно детето е изложено на директен напад на телевизијата која е преполна со насилство.
