Во меѓувреме, може да додадете неколку намирници во вашата исхрана, кои се корисни во борбата против COVID-19
Зелен чај
Ново истражување, чиј коавтор е Де-Ју Ксие, професор по микробиолошка биологија на Државниот универзитет во Северна Каролина, сугерира дека специфичните хемиски соединенија во зелениот чај имаат способност да го инхибираат главниот ензим или протеаза (Mpro) во вирусот SARS-CoV-2, вирус кој ја предизвикува болеста Ковид-19.
„Зелениот чај има пет хемиски соединенија кои се врзуваат за различни места на протеаза, го надминуваат и на тој начин ги инхибираат неговите функции“, наведува Ксие, објаснувајќи дека вирусот не може да се реплицира доколку ензимот на протеазата е инхибиран.
Ова истражување е сè уште во рана фаза, а Ксие изјави дека му претстои долг пат за да ја докаже медицинската примена на соединенијата.
Темно чоколадо
Темното чоколадо е уште една вообичаена намирница која покажала ветувачки резултати во истата студија. Истражувачите проучувале како реагирал Mpro во вирусот SARS-CoV-2 откако дошол во контакт со разни растителни хемиски соединенија, особено со оние што покажуваат антиинфламаторни и антиоксидантни својства.
Компјутерските симулации откриле дека хемиските соединенија во темното чоколадо и какао во прав можат да се врзат за различни делови на Mpro, а лабораториските експерименти покажале дека соединенијата може да ја намалат Mpro активноста за околу половина. Со други зборови, темното чоколадо може да има способност да го намали ширењето на ковид-19 во тек, но тешко дека ќе го запре вирусот целосно.
Сепак, не е лошо да јадете неколку коцки темно чоколадо неделно.
Грозје
Лабораториски експерименти покажале дека хемиските соединенија кај два вида на грозје (Vitis rotundifolia) исто така можат да го инхибираат ензимот протеаза (Mpro).
„Растенијата ги користат овие соединенија за да се заштитат, па затоа не е изненадување што лисјата на растенијата ги содржат овие корисни соединенија“, рече Ксие.
Витамин Д
Неколку студии покажаа дека витаминот Д – особено Д3 – може да помогне во ублажување на тежината на симптомите на Ковид-19. Истражувачите и лекарите веруваат дека ова е делумно можно поради способноста на витамин Д да ја поддржува имунолошката функција. Ниското ниво на витамин Д може да ве доведе до поголем ризик од инфекција и да предизвика други проблеми.
Телото природно произведува витамин Д3 со изложување на сонце и затоа е важно да се зема во форма на суплемент во текот на зимските месеци кога има помалку сончева светлина.
Цинк
Како и во случајот на витамин Д, минералот цинк е исто така клучен за поддршка на имунитетот. Цинкот му помага на организмот во борбата против патогените микроорганизми.
„Хроничните болни и постарите лица имаат зголемен ризик од инфекција и можни потешки исходи на болеста. Преку неколку механизми, цинкот може да го спречи ова, да ја намали сериозноста на болеста и времетраењето на симптомите”, велат истражувачите во списанието „Advances in Integrative Medicine“. Сепак, пред да земете какви било додатоци, прво консултирајте се со вашиот лекар, пишува „Eat This“.
