Проф. д-р Борислав Каменов, имунолог: Ако немате доволно ВИТАМИН Д, тогаш сте изложени на голем ризик од COVID-19

Студиите покажаа дека оние кои имаат нормално ниво на витамин Д, ретко заболуваат од COVID-19, а сите оние кои имаат ниско ниво на витамин Д се разболуваат и многу често страдаат, вели професорот

Најважниот витамин кој штити од корона, но и од останатите сезонски вируси: Проф. д-р Борислав Каменов
Неспорна е ефикасноста на витаминот Д, и токму затоа мислам дека тука лежи тајната зошто болеста се интензивира во последно време. Бидејќи, додека времето беше убаво, додека имаше сонце, ние добивавме витамин Д преку сонцето

Имунологот проф. д-р Борислав Каменов вели дека витаминот Д е најважен за заштита на организмот од коронавирусот, како и од останатите сезонски вируси. Тој посочува дека возрасните треба да внесуваат до 10.000 единици од овој витамин за да се одбранат од болести, додека тој број кај помладите е 5.000.

„Неспорна е ефикасноста на витаминот Д, и токму затоа мислам дека тука лежи тајната зошто болеста се интензивира во последно време. Бидејќи, додека времето беше убаво, додека имаше сонце, ние добивавме витамин Д преку сонцето. Многумина исто така најдоа и замена, оние кои имаат ниско ниво на овој витамин. Сега кога веќе го нема витаминот, насочени сме на супституција, а тоа го правиме во екстремно мали дози. Познавам многу пријатели кои пијат 400 единици, најмногу 1.000, и сметаат дека тоа е доволно“, наведува Каменов и објаснува дека постојат препораки кои велат дека младите треба да земаат и до 5.000 единици, а постарите 10.000 единици на ден. Тој истакнува дека на пациентите им се потребни исклучително големи дози.

Покрај витаминот Д многу е важна и состојбата на организмот, особено состојбата на цревата, дигестивниот систем

„Ние не го познаваме вирусот доволно, но би требало да го познаваме нашиот организам. Ако немаме доволно витамин Д, тогаш сме исклучително изложени на  ризик да се разболиме од COVID-19. Не велам дека мерките не се важни, но во овој момент не се доволни“, вели Каменов.

Проф. д-р Каменов додава дека покрај витаминот Д, многу е важна и состојбата на организмот, особено состојбата на цревата, дигестивниот систем.

„Оние луѓе кои страдаат од надуеност, и кои се „трујат“ со млеко или некои други намирници, имаат голема количина на токсини кои се натпреваруваат во потрошувачката на витамин Д. А тој витамин го убива вирусот. И не само што го убива, туку оневозможува и бурен одговор на клетките“, нагласува проф. д-р Каменов.

„Студиите покажаа дека оние кои имаат нормално ниво на витамин Д, ретко заболуваат од COVID-19, а сите оние кои имаат ниско ниво на витамин Д се разболуваат и многу често страдаат“, заклучува професорот. (Н1)