Американско истражување во кое учествувале 2.265 трудни жени кои имале дијагностицирани пореметувања на спиењето како несоница или слип апнеа, покажало дека кај овие жени предвременото породување е почесто.
Во предвремено породување се вбројуваат сите породувања пред 37 недела од бременоста. Инаку, познати ризик фактори за предвремно породување се претходно вакво породување, пушење за време на бременоста и зголемен крвен притисок.
Се смета дека со лекување на пореметувањето на спиењето може да се намали честотата на предвремното породување кај бремените жени. Во САД околу 10% од децата се раѓаат пред 37.недела од бременоста, што е многу повеќе во споредба со останатите развиени земји.
Според мислењето на стручњаците, когнитивно бихевиоралната терапија може да да помогне со лекувањето на трудните жени со пореметување на спиењето.
