Во бременоста матката го потиснува желудникот нагоре, па затоа тој не може да се празни на нормален начин и киселините во него се задржуваат многу подолго, а киселата содржина може да се врати во хранопродовникот што доведува до жиговина.
За жал, нема многу помош околу оваа појава, но може да ја спречите со некои нови навики.
Јадете помали порции. Ако имате утринска мачнина, веројатно не ви е проблем да јадете помали залци, но ако апетитот ви е нормален, обидете се да избегнете прејадување, бидејќи и ако не сте трудни, преголемата количина храна може да предизвика жиговина. Наместо 3 големи оброци во денот, изедете 6 помали.
Џвакајте полека. Голтањето на големи парчиња храна исто така може да предизвика враќање на киселините во желудникот. Опуштете се и уживајте во секој залак, а тоа ќе ви помогне и помалку да јадете.
Не заборавајте на течностите: Наместо чаша млеко за вечера, подобро е да испиете чаша вода. Обидете се течности да пиете преку целиот ден, а не за време на оброците.
По ручекот седете или станете: По оброкот уживајте во пријатна прошетка, или во фотелја читајте ја омилената книга. Избегнувајте лежење по јадењето, за да ја избегнете појавата на жиговина.
Не јадете пред спиење: Тежок оброк пред спиење е совршен рецепт за појава на жиговина, па стручњаците советуваат да јадете најдоцна 3 часа пред одење во кревет.
Препознајте ги тригерите: Кафе, мрсна храна, шеќер, чоколадо… на трудниците секогаш им се советува да ги избегнуваат овие намирници, но вие најдобро ќе знаете што кај вас предизвикува желудочни проблеми, па избегнувајте ја таа храна.
Пробајте ѓумбир: Како кај сите луѓе, така и кај бремените жени, напиток од ѓумбир може да ги смири проблемите со желудникот. Овој зачин може да смири мачнини и повраќање, што е честа појава со гастритисот.
