Ако во последно време се обидовте да следите што гледаат вашите деца на социјалните мрежи и платформи веројатно сте налетале на видеа, мимови или фрази што изгледаат… целосно бесмислено. Од броеви како „67“ до случајни снимки од животни кои се однесуваат чудно – апсурдниот и нелогичен хумор стана главна форма на забава за генерацијата Z и Alpha.
Но, што точно се случува – и како родителите можат да реагираат?
Што е хумор низ бесмисленост?
Хуморот базиран на бесмисленост, познат и како апсурден хумор, се потпира на неочекуван, нелогичен или навидум бескорисна содржина. Наместо класични шеги со поента, младите се смеат бидејќи нешто едноставно „не прави смисла“, а баш затоа е смешно.
Некои примери:
-
Мимови што немаат вистинска приказна
-
Видео-клипови каде броеви или зборови се повторуваат без значење
-
Ситуации кои на возрасните им изгледаат глупаво, но кај младите предизвикуваат смеа
Пример: трендот „67“ – број што нема никакво длабоко значење, но во комбинација со песна и визуелни ефекти, создава хумор што станува вирален.
Зошто младите го обожаваат овој хумор?
1. Брзината на дигиталната содржина
Кратките видеа од 15–30 секунди бараат моментална реакција на нешто неочекувано. Апсурдниот хумор е директен, не бара контекст или објаснување – смешен е „во моментот“.
2. Внатрешен јазик и чувство на припадност
Тинејџерите преку овие мимови создаваат внатрешен јазик кој возрасните често не го разбираат. Кога учествуваат во трендови, чувствуваат припадност на генерација или група.
3. Бегство од стресот
Светот е преполн со притисоци – училиште, пријатели, мрежи, вести… Бесмислениот хумор нуди брз бегство, смеа без последици, а често и простор за креативна игра со звуци, текст и визуелни елементи.
4. Креативен израз
Младите ги користат ТикТок и Риалс и мимовите како алатка за креативно изразување. Колку е содржината почудна, толку е поголема шансата да стане популарна.
Како родителите можат да се однесуваат кон овој вид хумор?
- Не осудувајте веднаш
Ако нешто не ви е јасно и ви делува „глупаво“ – тоа е во ред. Хуморот на младите често има смисла само внатре во нивната заедница.
- Прашајте и слушајте
Наместо да прашате: „Зошто ти е ова смешно?“, обидете се со: „Што точно е смешно тука?“ – и слушајте без осуда. Дури и краток разговор може да ви открие многу за нивниот начин на размислување.
- Бидете дел од нивниот свет – без обврска да го разберете сè
Можете да гледате некое видео со нив, да се насмеете или да кажете нешто – не мора секогаш да ја „фатите поентата“. Самото учество ја зајакнува врската со детето.
- Поставете граници кога е потребно
Хуморот низ апсурд сам по себе не е штетен, но ако видеото содржи насилство, омаловажување или ризични постапки, тогаш е време за јасна граница и разговор.
Можеби вие не разбирате зошто бројот „67“ е смешен – но тоа не значи дека вашето дете е „чудно“. Напротив – смеата преку апсурд е нивниот начин на поврзување, изразување и справување со светот.
Со малку трпение и отвореност, може да изградите мост помеѓу вашата и нивната генерација – и можеби дури и вие ќе се насмеете на нешто што изгледа… сосема без смисла.
