Развојот на детето е сложен и индивидуален процес, односно секое дете се развива со свое темпо, практикува некои вештини, развива различни интереси и способности. Веќе во детството кај некои може да се забележат знаци на висока интелигенција, а еве како да знаете дали имате мал гениј во куќата.
Научниците со години проучувале високоинтелигентни или надарени деца со цел подобро да го разберат феноменот на генијалноста, а откриле и некои карактеристики кои можат да укажат на тоа дека детето е натпросечно интелигентно.
Знаци на натпросечна интелигенција кај дете
На почетокот треба да знаете дека секое дете, а со тоа и секој мозок е различен, што значи дека малите генијалци можат да покажуваат многу различни особини. Не постои единствена, ниту официјална листа на карактеристики кои укажуваат на тоа дека детето е иден гениј, но да речеме дека некои карактеристики почесто се забележуваат кај интелигентните деца.
Некои од знаците на натпросечна интелигенција кај децата може да бидат:
- Изразена потреба за ментална стимулација
- Способност детето многу брзо да учи нови работи
- Брзо обработува нови и сложени информации
- Има желба детално да истражува специфични теми
- Изразена е љубопитност, која може да виви и низ тоа што детето поставува многу прашања
- Детето лесно ги совладува материјалите за учење наменети за поголеми деца
- Емоционално е чувствително и многу „длабоко“ ја чувствува секоја емоција
- Го привлекуваат одредени теми и интереси
- Има прилично зрела смисла за хумор
- Смислува креативни решенија за различни проблеми
- Свесно е за себе, социјалните ситуации и глобалните проблеми.
Натпросечно интелигентните деца често избираат да си играат сами, не затоа што не ги сакаат другите, туку затоа што имаат жива имагинација и обично не им треба друштво. Тие исто така сакаат да ги истражуваат своите способности и да бидат независни, почнувајќи со врзување на сопствените врвки за чевли, составување загатки и извршување на некои домашни работи.
Малите генијалци често покажуваат интерес за речиси сè, па поставуваат многу прашања, а ако нешто посебно ги интересира, навлегуваат подлабоко и детално истражуваат на таа тема. Тие се карактеризираат со голема љубопитност и желба да знаат како функционира сè.
Натпросечно интелигентните деца имаат и натпросечна меморија, па можно е понекогаш да им биде малку досадно на училиште поради тоа.
Набљудувајте го вашето дете и негувајте ја неговата љубопитност, интереси и желба за знаење, бидејќи можеби навистина имате иден гениј дома.
