Крајниците се групи на лимфното ткиво кои се наоѓаат под епителот во устата и ждрелото. Тие создаваат лимфоцити и се дел од имуниот систем, а нивната улога е да го заштитат горниот дел од системот за дишење од инфекции. Иако за време на пубертет, тие се намалуваат и атрофираат, понекогаш е потребно да се извадат.
Кога е време да се вадат крајниците?
Проблеми со концентрација во училиште
Доколку детето има проблем со хиперактивност, пореметување на вниманието, промени на расположението, можеби ќе помислите дека детето има АДХД. Сепак, постои можност главен виновник да се крајниците. Зголемените крајници го блокираат дотокот на кислород, предизвикуваат неквалитетен сон, будење преку ноќта, што понатаму може да доведе до раздразливост и хроничен замор.
‘Рчење
Доколу детето ‘рчи многу гласно и многу често, постои можност крајниците да му пречат правилно да дише. Постои можност ‘рчењето да престане кога крајниците во пубертетот ќе се намалат.
Болка во грлото
Кога крајниците се зголемени или инфицирани, детето ќе има потешкотии при голтање, а грлото ќе го боли. Докторите советуваат крајниците се извадат тогаш кога во текот на една година, детето ги има овие проблеми, десетина пати.
Инфекции на ушите
Дури и ако крајниците на детето делуваат здраво, сепак може да дојде до инфекција по зголемување на крајниците, најчесто до воспаление на ушите.
Дишење на уста
Кога крајниците се зголемени, детето може да има чувство дека носот му е затнат, па ќе почне да дише на уста.
