Крајниците се збир на лимфно ткиво кои се наоѓаат под епителот во устата и во ждрелото. Тие создаваат лимфоцити и се дел од имуниот систем, а улогата им е заштита на горниот дел на системот за дишење од инфекции.
Проблем со концентрацијата
Доколку детето има проблем со хиперактивно, пореметување на вниманието, промена на расположението, можеби ќе помислите дека детето има АДХД. Сепак постои можност дека главен виновник се крајниците. Зголемените крајници го блокираат дотокот на кислород, предизвикуваат неквалитетен сон, будење во текот на ноќта, што понатаму може да доведе до раздразливост и хроничен замор.
Рчење
Ако детето рчи многу гласно и многу често, постои можност да му пречат крајниците за правилно да диши. Исто така, постои можност рчењето да престане кога крајниците во пубертетот ќе се намалат.
Болка во грлото
Кога крајниците се зголемени или инфицирани, детето ќе има потешкотии при голатењето, а грлото ќе го боли. Лекарите советуваат крајниците да се извадат тогаш кога во период од една година, детето ги има овие проблеми десетина пати.
Инфекција на ушите
Дури и ако крајниците кај детето делуваат здраво, сепак може да дојде до инфекција, по зголемувањето на крајниците, најчесто до воспаление на ушите.
Дишење на уста
Кога крајниците се зголемени, детето може да има чувство дека носот му е затнат, и да почне да диши на уста.
