Во текот на летото консумираме многу повеќе течности на дневна основа отколку во постудените месеци. Нашето тело едноставно бара повеќе хидратација во текот на топлите месеци, првенствено затоа што губи повеќе вода преку потењето, кое е исто така една од причините зошто телото може да дехидрира.
Дехидратацијата може да биде умерена или сериозна. И додека умерената дехидратација може лесно да се поправи со навремено надополнување на изгубената вода, сериозната (тешка) дехидратација може да заврши дури и со хоспитализација ако не реагираме на време.
Кога зборуваме за дехидратација, зборуваме за дефицит на течности во телото, односно недостаток на вода и електролити во телото. Водата сочинува повеќе од 70 проценти од здравото човечко тело.
Дехидратација се јавува кога количината на загуба на течности од телото станува поголема од количината на течности што телото ја прима. Кога телото губи премногу течност, ја губи способноста да функционира нормално
Доволно количество вода и добра хидратација се неопходни за варење, елиминирање на токсините и други отпадоци, како и за одржување на здрава кожа.
Човечкото тело губи вода во текот на целиот ден, првенствено преку потење и мокрење, но таа обично се надокнадува со јадење и пиење.
Дехидратација се јавува кога количината на загуба на течности од телото станува поголема од количината на течности што телото ја прима. Кога телото губи премногу течност, ја губи способноста да функционира нормално.
Губењето на течности го нарушува балансот на минералите во телесните течности. Секој може да дехидрира, но доенчињата, малите деца и постарите возрасни лица се изложени на зголемен ризик.
На ризик се и луѓето кои имаат дијабетес тип 2 поради честото мокрење, како и луѓето кои често земаат диуретици. Но, може да ги погоди луѓето од сите возрасти, особено во летните месеци.
