Здравото чувство на самодоверба може да им помогне на децата да се справат со неизбежните предизвици на растењето. Ако сте загрижени за самодовербата на вашето дете, следете ги овие модели во нивното однесување.
Дете или адолесцент со ниска самодоверба може:
- Да избегнува задача или предизвик без воопшто да се обиде. Ова често сигнализира страв од неуспех или чувство на беспомошност.
- Да се откаже веднаш по почетокот на играта или задачата, да се предаде при првиот знак на фрустрација.
- Да мами или да лаже кога мисли дека ќе ја изгуби играта или дека ќе помине лошо.
- Да покажува знаци на регресија, однесувајќи се како мало дете или многу будалесто. Овие видови на однесување поттикнуваат задевање и исмевање од страна на другите деца, што ја влошува ситуацијата.
- Да контролира, да биде „шефовски“ настроено или нефлексибилно, како начин да ги сокрие чувствата на фрустрација или немоќ.
Третирајте го вашето дете како важна личност. Охрабрете го да се изразува, слушајте без осудување, прифатете ги неговите чувства и третирајте го со почит. Семејните оброци, дури и ако е само појадок на почетокот на денот, нудат можност да го ислушате вашето дете
- Да измислува изговори („Наставникот е глупав“) или да ја намалува важноста на настаните („Сеедно, не ни ја сакам таа игра“). Тие можат да го користат овој вид на рационализација за да ја префрлат вината на другите или на надворешни сили.
- Да има пад на оценките или помал интерес за вообичаените активности.
- Да се повлече социјално, губејќи или имајќи помалку контакт со пријателите.
- Да искуси променливи расположенија, тага, плачење, изливи на бес, фрустрација или повлеченост.
- Да дава самокритични коментари како „Никогаш не правам ништо како што треба“, „Никој не ме сака“, „Грд/а сум“, „Моја вина е“ или „Сите се поинтелигентни од мене“.
- Да има тешкотии при прифаќањето на пофалби или критики.
- Да стане премногу загрижен или чувствителен за мислењата на другите луѓе за него.
- Да изгледа како да е силно погоден од негативно влијание од врсниците. Може да развие ставови и однесувања како презир кон училиштето. Може да ги пропушта часовите, да се однесува без почит, да краде или да експериментира со тутун, алкохол или други супстанци.
НАЧИНИ ДА ЈА ПОДДРЖИТЕ САМОДОВЕРБАТА НА ВАШЕТО ДЕТЕ
- Поминувајте време со вашето дете. Пронајдете активности што можете да ги правите заедно, кои ќе направат да се чувствува успешно. Изберете активности што се и забавни, без победници и губитници. Присуствувајте на нивните фудбалски натпревари и музички настапи. Покажете им дека сте заинтересирани за нив и за она што го постигнуваат. Со посветување време и енергија на вашето дете, ќе испратите моќна порака на љубов и прифаќање.
- Третирајте го вашето дете како важна личност. Охрабрете го да се изразува, слушајте без осудување, прифатете ги неговите чувства и третирајте го со почит. Семејните оброци, дури и ако е само појадок на почетокот на денот, нудат можност да го ислушате вашето дете.
- Дозволете му на детето да носи одлуки секогаш кога е можно и да преземе поголема одговорност во својот живот. Покажете му дека имате доверба во него.
- Градете блиски семејни односи и направете вашето дете да се чувствува како дел од семејната единица што придонесува.
Имајте на ум дека најважниот фактор во одржувањето на самодовербата на детето е присуството на возрасен кој покажува почит и прифаќање и кој обезбедува поддршка што ја пренесува пораката: „Верувам во тебе“
- Не го изложувајте вашето дете на возрасни теми, не му се доверувајте и не го изложувајте на семејни и партнерски тензии што ќе му предизвикаат стрес. Обидете се да ја минимизирате неговата вознемиреност поврзана со семејни кризи и промени, обезбедувајќи му што е можно повеќе континуитет и стабилност.
- Охрабрете го вашето дете да им помага на другите преку волонтерски активности или групи како извидници или слични програми. Ова може да го зголеми неговото чувство за заедница, чувството на припадност и ценетост, како и чувството за важност и лична вредност.
- Научете го вашето дете да се фали самото себе. Треба да чувствува гордост во своите достигнувања.
- Кажете му на вашето дете колку го сакате – без никакви услови. Иако постапките и напорите на родителите индиректно пренесуваат љубов, на децата им е потребно да ги слушнат и зборовите „Те сакам“.
ДАЈТЕ ВРЕМЕ И ПОБАРАЈТЕ ПОМОШ
Подигнувањето на самодовербата на вашето дете нема да се случи преку ноќ. Може да потрае со месеци или години, и тоа е процес кој трае. Но, ако вашето дете не реагира на вашите обиди да му помогнете, разговарајте со вашиот педијатар за потребата од професионална поддршка.
Без оглед на тоа каква е самодовербата на вашето дете, обидете се да му помогнете да се чувствува што е можно подобро во врска со себе. Останете отворени на она што го чувствува. Препознајте ги и признајте ги неговите напори и достигнувања. Останете флексибилни и полни со поддршка во начинот на кој им пристапувате на неговите тешкотии. Прифатете го вашето дете како личност каква што е во моментот, и помогнете му да се чувствува добро за личноста во која се претвора.
Имајте на ум дека најважниот фактор во одржувањето на самодовербата на детето е присуството на возрасен кој покажува почит и прифаќање и кој обезбедува поддршка што ја пренесува пораката: „Верувам во тебе“.
Извор: Американска академија за педијатрија
