Типична ситуација – бебе од неколку месеци, здраво, напредно, активно, убаво јаде и прави се што прават другите здрави бебиња. Убаво спие, еднаш се буди да јаде и до наутри мирно спие. А, тогаш сосема ненадејно, во сред ноќ почнува неутешно да плаче. Што и да правите, ништо не помага.
Зошто бебето долго плаче, без видлива причина?
Секогаш постои некоја причина. Бебето во првите месеци не плачат без “дебела“ причина. Или се гладни, или нешто ги боли, нема трето.
- Што може да боли?
Еве ги најчестите причини:
- Кај повеќето бебиња, тоа се грчеви (колики). Дури и ако немало така болни грчеви, тие може да се јават било кога, а особено навечер.
- Друга причина е зтанато носе, што е честа појава во овој период.
- Може да се случи дебето да има посилен облик на габична инфекција на устата – сор, а тоа може да биде многу болно.
- Бебето може силно да плаче и поради кила која се вклештила, а која дотогаш останала незабележана, иако килата обично се забележува пред да се вклешти.
Зошто болката е посилна навечер?
Постои поим праг на болка, а тоа е интензитет (јачина) на некоја дразба која почнува да боли. Навечер, прагот на болка е понизок во однос на дневниот. Ако се направи скала на јачина на болка од 1 до 10, она што денски боли со јачина 2, навечер боли најмалку со 5. Се што боли, посилно боли навечер.
