Многумина тоа веднаш го поврзуваат со навиката на држење, но всушност причините се многу поинакви, оти и равојот на бебето е комплексен.
- Твоето бебе расте
Педијатрите тврдат дека промените во начинот на спиење на бебето се типични и тоа се нарекува “регресија на спиењето“ или период во кој бебето претходно имало непрекинат сон и одеднаш почнува да се буди навечер или да го прескокнува времето на дремење.
“Бебињата на четири месеци ќе го имаат својот прв развоен скок“, потенцираат педијатрите. Тогаш бебето ќе почне да спие поинаку отколку кога било новороденче.
- Твоето бебе можеби нема доволно физичка активност
Ова се однесува на бебињата кои имаат неколку недели. Доенче би требало да лежи на стомак, со што ги развива мускулите на грбот и вратот. Истражување покажало дека времето кое бебето го поминува на стомак, може да влијае на тоа колку долго ќе спие во текот на ноќта.
- Бебето можеби нема да сфати дека е време за спиење
Родителите може да почнат со подучување на бебето старо само неколку недели за добрите навики на спиење. Прекумерната стимулација, ценат педијатрите, може да го спречи бебето добро и квалитетно да се одмори. Затоа, еден час пред спиење, намалете ги активностите и светлината која допира до детето, за да полека ја сфати разликата меѓу ден и ноќ.
- Време за прилагодување
Стручњаците сметаат дека е вообичаено бебето да се протегнува и развдижи откако ќе го подготвите за спиење. Во тој случај, може да се обидете со смирувачки зборови пред повторно да го подигнете во раце. Може и самото да се смири.
