Донесувањето нов живот на свет, заедно со сите промени кои бремените жени ги доживуваат во текот на тие девет месеци, умее да ги натера да се замислат. Малку грижа или планирањата однапред им помага на луѓето подобро да се подготват за бебето. Но, понекогаш се случува тие мисли да влијаат на квалитетот на живот на трудницата.
Директорката на Центарот за ментално здравје на жените, во медицинскиот центар Ирвинг, д-р Кетрин Монк, вели дека причините за зголемената анксиозност во бременоста се различни. За почеток и некои хромонални промени кои се случуваат во телото може да се поврзаат со тоа. Исто така, и бројни психолошки фактори може да допринесат за зголемување на анксиозноста.
На пример, кај трудниците кои претходно имале спонтан абортус или трауми во детството, тоа може да ја влоши загриженоста какви ќе бидат како родители. Промена на работа, промени во врската и финансиската ситуација исто така имаат врска со анксиозноста.
“Искуството на бременост е секогаш ново и е надвор од контрола на трудницата, поради што уме да ги ‘дестабилизира’“, вели д-р Монк.
Според неа, ако и претходно сте имале проблеми со анксиозноста, тие симптоми може одново да се јават во бременоста и советува да ако се јават симптомите, треба веднаш да се побара стручна помош.
