Многу родители се изненадуваат и се загрижуваат ако забележат дека детето често воздивнива. Ова може да се случи и кај малите деца, што на мајките и татковците ќе им изгледа многу необично – зошто детето воздивнува, ако има две или четири години? Ако детето има кашлица или температура, полесно ќе утврдите што му е, а овој симптом може да ве збуни.
Воздишката е длабок здив кој има одредена невробиолошки, физиолошки и психолошки својства. Воздивнувањето се карактеризира со долго, бавно вдишување и еднакво бавно издишување. Обично може да се слушне, детето нема нечујно да го направи и го следат забележливи движења на градите, рамената и главата.
Воздивнувањето е нормално и кај возрасните и ќе се случи неколку пати во текот на денот, на тој начин се отвораат алвеолите кои не се користат при мирно дишење. Возрасните ќе воздивнат кога се уморни или под емотивен стрес, но кога издишувањето се случува многу често, може да се постави дијагноза синдром на воздивнување.
Зошто детето воздивнува и што во тој момент се случува? Детето има чувство дека не може да добие доволно воздух ако диши “нормално“. Препознатливо е и по тоа што вдишувањето е стакато, односно вдишува со низа кратки, звучни вдишувања, пред едно продолжено внесување воздух. Синдромот на воздишка не дава други симптоми, релативно е чест кај децата и не е опасен.
Ако вашето дете често воздивнува, првото нешто што можете да направите е да проверите што не е во ред. Детето често ќе дише вака ако е под емоционален стрес и нешто го мачи. Тоа можеби не е свесно за тоа, па затоа е неопходно родителите да се потрудат да се обидат да го решат проблемот на децата.
Педијатарот може да ја постави оваа дијагноза врз осноива на отстуство на други симптоми и со потребните анализи, исклучувајќи ги другите причини и болести. Понекогаш на детето му се потребни нови техники на дишење и релаксација или консултација со детски психолог.
Синдромот на воздишка може да ги загрижи родителите но е безопасен и минува сам од себе. Или кога детето ќе се ослободи од стресот што го чувствува или кога ќе примени нови техники на дишење.
