Кога станува збор за нивната омилена боја, децата многу добро знаат што сакаат и што ги привлекува. Тоа може да биде една од традиционалните бои на виножитото или нешто егзотично, но омилената боја е всушност нешто како продолжување на идентитетот на детето.
Своите фаворити, детето неретко ќе ги покаже со носење на маица во вистинскиот тон, со боење на ѕидовите во својата омилена нијанса, па дури и ќе се “влече“ на храната во таа боја.
И без разлика за која боја се работи, децата имаат многу добра причина зошто токму таа најмногу им се допаѓа.
Некогаш одамна или можеби неодамна, девојчињата и момчињата беа советувани кон кои бои треба да се приклонат врз основа на нивниот пол. За девојчињата тоа беа нежни пастелни нијанси, а за момчињата повеќе „мажествени“, кои обично ги вклучуваа сините и сите нејзини придружни нијанси.
Во последните години, пак, дојде до одредени промени и „изедначување на боите“ по пол, па децата на располагање имаат повеќе од нив да изберат и да ги сакаат.
Омилената боја кажува многу за детето
Според некои експерти, моменталната омилена боја во животот на детето може многу да каже за него. Имено, секој од нив постигнува различен психолошки ефект врз некого. Така е и за децата и за возрасните, иако децата почесто ќе бидат привлечени од ведри, посветли бои. А причина за тоа е нивниот вид кој е во развој.
Односно, научниците веруваат дека децата полесно ќе ги препознаат нијансите и разликите помеѓу посветлите бои во спектарот, наспроти загаситите и потемните, додека нивниот вид се уште се развива.
Овој развој на видот трае приближно до десетгодишна возраст, поради што дотогаш голем број деца ги привлекуваат светли, интензивни и дречливи бои.
Секоја од овие силни и интензивни бои прави детето да се чувствува на одреден начин и има влијание врз нивото на неговата енергија. Ова се случува затоа што кога детето гледа некоја боја, неговиот мозок ослободува хормон кој влијае на емоциите, менталната јасност и нивото на енергија.
Затоа, и не зачудува што розовата, сината, зелената и виолетовата се едни од најчестите омилени бои, бидејќи секоја од нив има смирувачки ефект врз мозокот и телото и прави детето да се чувствува среќно и заштитено.
Многу деца растат имајќи омилен цртан лик или идолизираат суперхерој. Ако има и бои кои се специфични за тој лик или суперхерој, постои голема можност таа конкретна боја да биде омилена на вашето дете.
Според некои истражувања, детскиот мозок ја избира омилената боја на личноста на која се восхитува и се поистоветува или која сака да биде кога ќе пораснат. Тоа е често измислен лик. Ова може да резултира со тоа што детето е многу емотивно врзано за неговата омилена боја, исто како што е фасцинирано од неговиот омилен цртан лик.
Меѓутоа, како што минуваат годините, приоритетите на децата се менуваат, а со нив и нивните омилени бои, бојата на облеката, па дури и бојата на ѕидовите во нивната соба.
