Родителите знаат дека децата понекогаш прават и не толку убави работи. Една од нив е чепкањето нос. Колку децата се постари, сфаќаат дека тоа е социјално неприфатливо, па тоа го прават поретко или на само, вели предијатарката Леа Александар.
Најдобро би било да ја прекинете оваа лоша навика на детето. Не само затоа што е непријатна за гледање, туку може да има и последици како што се крварење од нод, ширење на бактерии и инфекции.
- Зошто децата чепкаат нос? Како да ги натерате да престанат?
Ова е чест феномен во детството. Децата од најрана возраст го чепкаат носот од различни причини. Помладите деца имаат тенденција да го прават тоа кога ќе откријат делови од нивното тело, вели Џејмс Фридман, педијатар од Сан Диего и додава “тие наоѓаат дупка и сакаат да ја истражат“.
Постарите деца можат да го чепкаат носот за да го исчистат од секретите што ги мачат. “Многу деца не го чистат редовно носот со дување, па секретот се собира и се суши“, вели д-р Нина Шапиро, ОРЛ-педијатар. Таа објаснува дека секретот во носот може да предизвика чешање и затнување на носот, поради што децата посегнуваат по оваа грда метода. Како што се зголемува иритацијата на носот, се собира повеќе секрет и циклусот се повторува.
Децата исто така може да си го чепкаат носот ако малку ги чеша, додава д-р Шапиро, што најчесто се случува кај сезонските алергии. Понекогаш чепкањето во нос може да биде потсвесно, односно децата не ни сфаќаат дека го прават тоа.
- Последици од чепкањето во нос
Во повеќето случаи, чепкањето на носот е безопасно и обично повеќе им пречи на родителите отколку на детето. Но, оваа лоша навика може да има некои штетни последици. “Острите нокти може да доведат до гребнатини на носот, па дури и до крварење од носот“, вели д-р Шапиро. Всушност, крварењето од нос најчесто е предизвикано од чепкање во нос кај деца на возраст од 3 до 10 години.
Уште позагрижувачки е што со чепкањето на носот може да се внесат вируси и бактерии во телото. “Валканите прсти во носот се одличен начин децата не само да ги соберат вируси и да се разболат, туку и да ги ширатт“, вели д-р Фридман.
Во поретки случаи, постои и можност чепкањето на носот да доведе до инфекција. “Сите ние имаме бактерии на рацете и прстите, а детето може тоа да го внесе во во носот и потенцијално да заврши со бактериска инфекција“, вели д-р Александар.
Малите деца не сфаќаат дека чепкањето на носот е несоодветно и нехигиенско, затоа родителите треба да бидат внимателни кога им помагаат да се ослободат од оваа навика. Тие никогаш не треба да го посрамотат детето поради тоа.
Родителите треба да ги учат своите деца на тоалета на носот – за дување на носот и општата хигиена; ова образование може да започне уште на две или три години. “Родителите треба да ги научат своите деца како правилно да ги мијат рацете и да им објаснат дека ставањето неизмиени раце во носот може да доведе до ширење на инфекции“, вели таа. “Ако треба да го чистат носот, мора да ги мијат рацете пред и потоа“.
На крајот, воздржете се од зборовите “не го чепкај носот“, бидејќи тоа нема да ги мотивира децата повеќе да не го прават тоа. Наместо тоа, д-р Александар предлага да користите позитивен начин за да му помогнете на вашето дете да се ослободи од лошата навика. “Кажете ‘добра работа’ кога всушност не го чепкаат носот или наградете ги кога користат марамче. Полека со тек на времето ќе ја намалат зачестеноста на оваа навика“, велат педијатрите.
