Децата може да ја изгубат почитта кон своите родители поради насобраната лутина што не сакале или се плашеле да ја изразат со години. Кога детето се плаши да изрази негативни емоции, бидејќи родителот се поставува така да осудува, критикува, кара, ретко разбира, тогаш почнува да се губи почитувањето, сметаат експертите.
Рускиот семеен психолог Наталија Панфилова нагласува дека за сите конфликтни ситуации мора да се разговара.
„Има случаи кога детето не може да го изрази своето незадоволство поради зависноста од родителите, па до недоразбирања доаѓа дури години подоцна. Односно, почнува да се придржува до принципот „око за око“, а ова е една од најважните причини зошто децата престануваат да ги почитуваат своите родители“, вели психологот и додава дека и најмирното и најпријатното дете има ограничено трпение.
