Песнички, песни, приспивни песни – составен дел од детството. Мајките обожуваат да им пеат на децата уште додека се во нивниот стомак. Зошто музиката е толку важен дел од нас?
Како прво, има смирувачки ефект. Потоа, ја сакаат сите возрасни групи. А, на добра забава со танци сите, од најмали до најголеми, може да се ослободат од лошата енергија и расположение. Децата притоа обожуваат да се забавуваат пеејќи, па на голем дел во текот на растењето, микрофонот им е сакана играчка.
Децата сакаат песни за бои, бројки, разни дејствија кои и самите ги прават на одредена возраст, песни кои ги подучуваат на разни занимања и вештини.
Кога малку ќе се размисли, сигурно се доаѓа до заклучок дека вашите деца ги сакале (или ги сакаат) песничките за бои, денови во неделата, животни и слично.
Она кое што на децата им е особено привлечно во нив е тоа што во одредени делови се повторуваат и поради тоа полесно се помнат и учат. Малите деца сакаат повторување и токму тоа е причината зошто некоја песна бараат да им ја пуштате и по 100 пати едно по друго.
Зошто децата толку сакаат музика и зошто е тоа добро?
- Музиката дава добро чувство
Студиите покажале дека децата кога пеат едноставно се чувствуваат добро. Има ли нешто поубаво од тоа? Пеејќи децата на природен начин се ослободуваат од стресот, а тоа отпушта ендорфин во детскиот мозок. Тоа е материја која поттикнува чувство на среќа и задоволство.
- Пеењето е поучно
Музиката има големи образвони предности за учениците од сите возрасни групи. Но, без оглед на сите спроведени истражувања, во училиштата овој предмет не е особено застапен и ретко кога му се посветува внимание.
Пеењто исто така помага и при учење на нови зборови, структура на реченици, поттикнува имагинација и го збогатува речникот. Малите деца најлесно учат низ песнички. Како децата растат, така песните служат за искажување на нивните емоции и карактеристики.
