Сигурно сте се нашле во ситуација кога сте му го довериле детето некому на чување, па сте добиле повратна информација дека е како ангел. Како е можно тоа кога е токму спротивното со вас? Децата всушност имаат тенденција да бидат полоши во близина на нивните мајки. И тоа не е ваш неуспех – тоа е комплимент.
Што кријат тајните на детската психа и да откриеме зошто децата се “полоши“ кога се покрај вас.
Се чувствуваат безбедно
Ако децата се чувствуваат безбедно, удобно и поддржано, тие ќе ги изразат своите емоции без страв. Никој не сака да се покаже во лошо светло пред странци, а тоа важи и за децата. Кога децата избираат да се однесуваат лошо, тие исто така ја покажуваат својата ранливост. Значи, тоа е потврда дека правите одлична работа.
Бараат внимание
Уште една причина зошто децата се однесуваат лошо околу нивните родители е тоа што тие можеби се натпреваруваат за вниманието на мајката. Можеби мислат дека сте повеќе посветени на партнерот, неговите браќа и/или сестри, вашето домашно милениче или работата, па глумата ја користат како адут.
Ги проверуваат границите
Испитувањето на границите е природно, особено за децата кои се поврзани со своите мајки. Децата не се обидуваат да им отежнат на родителите со лошото однесување, но понекогаш тоа е знак дека тие се развиваат нормално и дека имаат добар однос со вас.
Сакаат да постигнат нешто
Во некои случаи, бесот значи дека детето се обидува да манипулира со вас. Зад таквото однесување секогаш се крие рационална и логична цел.
